ആന്റണി വർഗീസ് നായകനായി എത്തുന്ന പൂവൻ എന്ന ചിത്രത്തിന്റെ ട്രെയിലർ പുറത്തിറങ്ങി. വീട്ടിൽ വളർത്താനായി വാങ്ങുന്ന ഒരു പൂവൻ കോഴിയും പിന്നീട് ആ പൂവൻ കാരണം വീട്ടുകാർക്കും നാട്ടുകാർക്കും ഉണ്ടാകുന്ന പ്രശ്നങ്ങളുമാണ് ചിത്രത്തിന്റെ ട്രെയിലറിൽ കാണിക്കുന്നത്. ചിത്രം ജനുവരി 20ന് തിയറ്ററിലെത്തും.
സൂപ്പര് ശരണ്യ എന്ന ചിത്രത്തിനു ശേഷം ഷെബിന് ബക്കര് പ്രൊഡക്ഷന്സും സ്റ്റക്ക് കൗവ്സ് പ്രൊഡക്ഷൻസും ചേർന്നാണ് പൂവൻ നിർമിക്കുന്നത്. സൂപ്പര് ശരണ്യ എന്ന ചിത്രത്തിലെ വില്ലനായെത്തിയ അജിത് മേനോൻ എന്ന കഥാപാത്രം അവതരിപ്പിച്ച വിനീത് വാസുദേവനാണ് ചിത്രം സംവിധാനം ചെയ്തിരിക്കുന്നത്.
സൂപ്പര് ശരണ്യ, അജഗജാന്തരം, തണ്ണീര്മത്തന് ദിനങ്ങള് തുടങ്ങിയ ചിത്രങ്ങളിൽ അഭിനയിച്ച വരുൺ ധാരയാണ് ചിത്രത്തിന്റെ തിരക്കഥാകൃത്ത്.
വിനീത് വാസുദേവൻ, അഖില ഭാർഗവൻ, മണിയന് പിള്ള രാജു, വരുണ് ധാര, വിനീത് വിശ്വം, സജിന് ചെറുകയില്, അനിഷ്മ, റിങ്കു, ഗിരീഷ് എ.ഡി. എന്നിവരും ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
സുഹൈല് കോയയുടെ വരികള്ക്ക് മിഥുന് മുകുന്ദൻ സംഗീതം നിർവഹിക്കുന്നു. ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് സജിത്ത് പുരുഷൻ ആണ്. രചന: വരുണ് ധാരാ. ചിത്രസംയോജനം: ആകാശ് ജോസഫ് വര്ഗീസ്.