ഉണ്ണി മുകുന്ദനെ ട്രോളി മെഗാസ്റ്റാർ. മാളികപ്പുറം എന്ന ചിത്രത്തിന്റെ വിജയാഘോഷ ചടങ്ങിൽ കേക്ക് മുറിച്ച് സന്തോഷം പങ്കിടാനെത്തിയപ്പോഴാണ് ഉണ്ണി മുകുന്ദനെ മമ്മൂട്ടി ട്രോളിയത്.
ചടങ്ങിലേയ്ക്കെത്തിയ മമ്മൂട്ടിയെ സ്വീകരിക്കാനായി എത്തിയ ഉണ്ണി മുകുന്ദനോട് "ആ ഉണ്ണി സാറേ" എന്നാണ് ആദ്യം മമ്മൂട്ടി വിളിച്ചത്. ഇത് എല്ലാവരിലും ചിരിയുണർത്തി.
ശേഷം പൂച്ചെണ്ട് കൈമാറി കഴിഞ്ഞു "ഇനി കണ്ടാലൊക്കെ അറിയുമോ" എന്നു മമ്മൂട്ടി ചോദിച്ചതും കൂടി നിന്നവരിൽ ചിരി പടർത്തി. തുടർന്നും ഉണ്ണിയെ ട്രോളിയും ചിരിപ്പിച്ചും മമ്മൂട്ടി ഒപ്പം കൂടി.
ശേഷം പടം സൂപ്പർ ഹിറ്റാക്കി തന്നതിന് മമ്മൂട്ടിയോട് ഉണ്ണി മുകുന്ദൻ നന്ദി പറഞ്ഞപ്പോൾ, "എന്തിന്, നന്ദി സംവിധായകന് കൊടുക്കൂ എന്നാണ് അദ്ദേഹം പറഞ്ഞത്.
തുടർന്ന് എല്ലാവർക്കും ഉണ്ണി മുകുന്ദൻ എല്ലാവരോടും നന്ദി പറഞ്ഞപ്പോൾ "എന്താ വെപ്രാളം, സമാധനപ്പെട് ഇതൊക്കെ ഇനിയും സംഭവിക്കാനുള്ള കാര്യങ്ങളല്ലേ' എന്നും പറഞ്ഞ് അഭിനന്ദിക്കാനും മെഗാസ്റ്റാർ മറന്നില്ല.
നവാഗതനായ വിഷ്ണു ശശി ശങ്കർ സംവിധാനം മാളികപ്പുറം എന്ന ചിത്രം മികച്ച വിജയം നേടിയിരുന്നു. ഇതിന്റെ ആഘോഷത്തിനായി എത്തിയ മമ്മൂട്ടി ചിത്രത്തിലെ മറ്റൊരു പ്രധാന കഥാപാത്രമായ ദേവനന്ദയ്ക്കും ബാലതാരമായ ശ്രീപഥിനും ഒപ്പം മമ്മൂട്ടി കേക്ക് മുറിച്ച് ആഘോഷത്തിൽ പങ്കുചേർന്നു.
എന്നെ സംബന്ധിച്ച് വളരെ വലിയൊരു ദിവസമാണ് ഇന്ന്. വേറെ ഒന്നും കൊണ്ടല്ല. എന്റെ സിനിമാ ജീവിതത്തിലെ ഏറ്റവും വലിയ ഹിറ്റ് മാളികപ്പുറം സംഭവിച്ചിരിക്കുകയാണ്. ആന്റോ ചേട്ടന് ഒരുപാട് നന്ദി ഉണ്ട്. എല്ലാവരോടും നന്ദി.
പ്രത്യേകിച്ച് മമ്മൂക്കയോട്. മാളികപ്പുറം എന്താണ് എന്ന് മലയാളി സമൂഹത്തിന് പറഞ്ഞ് കൊടുത്തത് മമ്മൂക്കയാണ്. ആ ഐശ്വര്യം എന്റെ കൂടെ മുന്നോട്ടും ഉണ്ടായി. 2023ലെ ആദ്യ ഹിറ്റായി സിനിമ മാറി. ഉണ്ണി മുകുന്ദൻ പറഞ്ഞു.
ഉണ്ണി സാറേ... ഇനി കണ്ടാലൊക്കെ അറിയുമോ? ഉണ്ണി മുകുന്ദനെ ട്രോളി മമ്മൂട്ടി; വീഡിയോ
12:37 PM Jan 02, 2023 | Deepika.com