ഉദ്ഘാടന വേദികളിലെ നിറ സാന്നിധ്യമാണ് നടി ഹണി റോസ്. ഹണി എത്തുന്ന എല്ലാ ഉദ്ഘാടന വേദികളും സമൂഹമാധ്യമങ്ങളിൽ വൈറലാകാറുമുണ്ട്. ഇപ്പോഴിതാ താരം തന്നെ സെൽഫ് ട്രോളുകളുമായി എത്തിയിരിക്കുകയാണ്.
വിവിധ ട്രോളുകളെല്ലാം കൂടി ഒന്നിച്ചു ചേർത്താണ് നടി പങ്കുവച്ചിരിക്കുന്നത്. അതിനൊപ്പം മികച്ച ഉദ്ഘാടകയ്ക്കുള്ള പുരസ്കാരം എന്ന ട്രോളും താരം പങ്കുവച്ചിട്ടുണ്ട്.
ട്രോളിനെ ആരാധകരും ഏറ്റെടുത്തു കഴിഞ്ഞു. എന്നെ ട്രോളാൻ എനിക്ക് വേറെ ആരുടെയും ആവശ്യം ഇല്ല എന്നൊക്കെയാണ് കമന്റുകൾ. ഉദ്ഘാടനത്തിനെത്തുന്പോഴുള്ള താരത്തിന്റെ വസ്ത്രധാരണവും ആരാധകർ ഏറ്റെടുക്കാറുണ്ട്.
മോഹൻലാൽ-വൈശാഖ് ചിത്രം മോൺസ്റ്ററിലാണ് ഹണി റോസ് അവസാനം പ്രത്യക്ഷപ്പെട്ടത്. ബാലയ്യ നായകനാകുന്ന വീര സിംഹ റെഡ്ഡിയാണ് ഹണിയുടെ പുതിയ ചിത്രം.
മികച്ച ഉദ്ഘാടകയ്ക്കുള്ള പുരസ്കാരം; സെൽഫ് ട്രോൾ പങ്കുവച്ച് ഹണി റോസ്
09:06 AM Dec 29, 2022 | Deepika.com