നിർമാതാവ് സജി നന്ത്യാട്ടിന്റെ മകന്റെ വിവാഹത്തിൽ ദേവാലയത്തിലെ ചടങ്ങുകളിൽ ഗായകസംഘത്തിന് നേത്യത്വം നൽകിയ ഗായിക നിത്യ മാമ്മന്റെ വീഡിയോയാണ് ഇപ്പോൾ ശ്രദ്ധേയമായിരിക്കുന്നത്. പള്ളിയിലെ ശുശ്രൂഷയിലെ ഗാനങ്ങളെല്ലാം നിത്യയാണ് പാടിയിരിക്കുന്നത്.
സൂഫിയും സുജാതയും എന്ന ചിത്രത്തിലെ വാതിക്കല് വെള്ളരി പ്രാവ് എന്ന ഗാനത്തിന് സംസ്ഥാന സർക്കാരിന്റെ മികച്ച ഗായികയ്ക്കുള്ള അവാർഡ് നേടിയിരുന്നു നിത്യ. എടക്കാട് ബറ്റാലിയനിലെ നീ ഹിമമഴയായ് വരൂ എന്ന ഗാനവും നിത്യയുടെ ഹിറ്റുകളിലൊന്നായിരുന്നു.
നിർമാതാവ് സജി നന്ത്യാട്ടിന്റെ മകന്റെ വിവാഹചടങ്ങിൽ ദിലീപും കാവ്യ മാധവനും അടക്കം നിരവധി പേരാണ് പങ്കെടുത്തത്. സജി നന്ത്യാട്ടിന്റെ മകന് ജിമ്മിയുടെ വിവാഹമായിരുന്നു തിങ്കളാഴ്ച. സാറയാണ് ജിമ്മിയുടെ വധു.
ഉണ്ണി മുകുന്ദൻ, വിജയ് ബാബു, ദിലീപിന്റെ അനുജനും സംവിധായകനുമായ അനൂപ് പദ്മനാഭൻ,വിജയ് ബാബു, ലിസ്റ്റിൻ സ്റ്റീഫന്, ആല്വിൻ ആന്റണി തുടങ്ങിയവർ പങ്കെടുത്തു.