മുൻ പ്രധാനമന്ത്രി അടൽ ബിഹാരി വാജ്പേയിയുടെ ജീവിതം സിനിമയാകുന്നു. മേം അടൽ ഹൂ എന്നാണ് ചിത്രത്തിന് പേരിട്ടിരിക്കുന്നത്.
ഇംഗ്ലിഷ് മാധ്യമ പ്രവർത്തകനും രാഷ്ട്രീയ നിരീക്ഷകനുമായ കണ്ണൂർ സ്വദേശി ഉല്ലേഖ് എൻ.പി. രചിച്ച ‘ദ് അൺടോൾഡ് വാജ്പേയി: പൊളിറ്റീഷ്യൻ ആൻഡ് പാരഡോക്സ്’ എന്ന പുസ്തകത്തിന്റെ ആവിഷ്കാരമാണ് മേം അടൽ ഹൂ എന്ന ചിത്രം. രവി ജാദവാണ് ചിത്രം സംവിധാനം ചെയ്യുന്നത്.
നടൻ പങ്കജ് ത്രിപാഠിയാണ് വാജ്പേയി ആയി ചിത്രത്തിലെത്തുന്നത്. കവി, രാഷ്ട്ര തന്ത്രജ്ഞൻ, നേതാവ്, മനുഷ്യ സ്നേഹി എന്നിങ്ങനെ ബഹുമുഖമുള്ള വാജ്പേയിയെ ആണ് വെള്ളിത്തിരയിൽ കാണാനാവുക.
ഉത്കര്ഷ് നൈതാനിയുടേതാണ് തിരക്കഥ. വിനോദ് ഭാനുശാലി, സന്ദീപ് സിംഗ്, സാം ഖാൻ, കമലേഷ് ഭാനുശാലി, വിശാൽ ഗുർനാനി എന്നിവർ ചേർന്നാണ് ചിത്രം നിർമിക്കുന്നത്. അടുത്ത വർഷം ഡിസംബറിൽ ചിത്രം തിയറ്ററുകളിലെത്തും.
അടൽ ബിഹാരി വാജ്പേയിയുടെ ജീവിതകഥ; മേം അടൽ ഹൂ; ഫസ്റ്റ് ലുക്ക് പോസ്റ്റർ
11:34 AM Dec 27, 2022 | Deepika.com