സംവിധായകൻ ആറ്റ്ലിയും ഭാര്യ പ്രിയയും മാതാപിതാക്കളാകാൻ പോകുന്ന സന്തോഷം ഇരുവരും ആരാധകരെ അറിയിച്ചിരുന്നു. ഇപ്പോഴിതാ താരത്തിന്റെ ബേബി ഷവർ ചിത്രങ്ങളാണ് ആരാധകർ ഏറ്റെടുത്തിരിക്കുന്നത്.
ചടങ്ങിൽ പങ്കെടുക്കാനായി സൂപ്പർ താരം വിജയ് എത്തുന്ന വീഡിയോയാണ് വൈറലായിരിക്കുന്നത്. ശിവകാർത്തികേയൻ, രമ്യ സുബ്രഹ്മണ്യൻ ഉൾപ്പടെയുള്ള താരങ്ങളും ചടങ്ങിനെത്തിയിരുന്നു.
ഏറെ നാളത്തെ പ്രണയത്തിനൊടുവിൽ 2014 നവംബറിലായിരുന്നു ഇരുവരുടെയും വിവാഹം. ടെലിവിഷൻ അവതാരകയാണ് ഭാര്യ കൃഷ്ണപ്രിയ. ശങ്കറിന്റെ അസോഷ്യേറ്റായി സിനിമാ കരിയർ ആരംഭിച്ച അറ്റ്ലീ ‘രാജാറാണി’ എന്ന ചിത്രത്തിലൂടെ സ്വതന്ത്ര സംവിധായകനായി.
പിന്നീട് വിജയ്യെ നായകനാക്കി മൂന്ന് ബ്ലോക്ബസ്റ്റർ ഹിറ്റുകൾ സമ്മാനിച്ച് തെന്നിന്ത്യയിലെ ഹിറ്റ് സംവിധായകനായി മാറി. ഷാറുഖ് ഖാനെ നായകനാക്കി ‘ജവാൻ’ എന്ന ചിത്രത്തിലൂടെ ബോളിവുഡിലും അരങ്ങേറ്റം കുറിക്കാൻ ഒരുങ്ങുകയാണ് അറ്റ്ലി.