ട്രെയിലർ ലോഞ്ചിനിടയിൽ ബോഡി ഷെയിമിംഗ് നടത്തിയെന്ന ഒരു വിഭാഗത്തിന്റെ വിമർശനത്തിന് പിന്നാലെ ഖേദം പ്രകടിപ്പിച്ച മമ്മൂട്ടിയുടെ കുറിപ്പിന് താഴെ കമന്റുമായി ജൂഡ് ആന്റണി.
എനിക്ക് ആ വാക്കുകൾ അഭിനന്ദനമായാണ് തോന്നിയത് മമ്മൂക്ക. എന്റെ സുന്ദരമായ തല കാരണം മമ്മൂക്ക ഖേദം പ്രകടിപ്പിക്കേണ്ടി വന്നതിൽ ഞാൻ ഖേദം പ്രകടിപ്പിക്കുന്നു എന്നാണ് ജൂഡ് കുറിച്ചത്.
2018ന്റെ ട്രെയിലർ ലോഞ്ചിൽ ‘ജൂഡിന് തലമുടിയില്ലെങ്കിലും നല്ല ബുദ്ധിയാണെ’ന്ന് മമ്മൂട്ടി പറഞ്ഞിരുന്നു. ഇത് ബോഡി ഷെയ്മിംഗാണെന്ന് ഒരു വിഭാഗം സമൂഹമാധ്യമങ്ങളിൽ അഭിപ്രായപ്പെട്ടിരുന്നു. ഇതിനു പിന്നാലെയാണ് ഖേദം പ്രകടിപ്പിച്ച് മമ്മൂട്ടി തന്നെ നേരിട്ടെത്തിയത്.
പ്രിയരെ കഴിഞ്ഞ ദിവസം 2018 എന്ന സിനിമയുടെ ട്രൈലർ ലോഞ്ചിനോട് അനുബന്ധിച്ചു നടന്ന ചടങ്ങിൽ സംവിധായകൻ ജൂഡ് ആന്റണിയെ പ്രകീർത്തിക്കുന്ന ആവേശത്തിൽ ഉപയോഗിച്ച വാക്കുകൾ ചിലരെ അലോസരപ്പെടുത്തിയതിൽ എനിക്കുള്ള ഖേദം പ്രകടിപ്പിക്കുന്നതോടൊപ്പം ഇങ്ങനെയുള്ള പ്രയോഗങ്ങൾ ആവർത്തിക്കാതിരിക്കുവാൻ മേലിൽ ശ്രദ്ധിക്കുമെന്ന് ഉറപ്പു തരുന്നു. ഓർമ്മിപ്പിച്ച എല്ലാവർക്കും നന്ദിയെന്നാണ് മമ്മൂട്ടി കുറിച്ചത്.
എന്റെ തലയ്ക്ക് കിട്ടിയ അഭിനന്ദനമായിരുന്നു മമ്മൂക്കായുടെ വാക്കുകൾ: ജൂഡ് ആന്റണി
01:29 PM Dec 15, 2022 | Deepika.com