വ്യത്യസ്തമായി ചിത്രത്തിന്റെ റിലീസ് പ്രഖ്യാപിച്ച് കാക്കിപ്പട എന്ന ചിത്രത്തിന്റെ അണിയറപ്രവർത്തകർ. ഖത്തർ ലോകകപ്പ് മത്സരത്തിൽ ആർത്തിരമ്പുന്ന കാണികളെ സാക്ഷിയാക്കിയാണ് കാക്കിപ്പട എന്ന ചിത്രത്തിന്റെ റിലീസ് അണിയറ പ്രവർത്തകർ പ്രഖ്യാപിച്ചത്.
ക്രിസ്മസ് റിലീസ് ആയാണ് ചിത്രം പ്രേക്ഷകർക്ക് മുന്നിലെത്തുന്നത്. ഖത്തറിലെ അൽ ബായ്ത്ത് സ്റ്റേഡിയത്തിൽ നടന്ന ഇംഗ്ലണ്ട് ഫ്രാൻസ് ക്വാർട്ടർ ഫൈനൽ മത്സരത്തിനിടെയാണ് കാക്കിപ്പടയുടെ ക്രിസ്തുമസ് റിലീസ് പ്രഖ്യാപന ബാനറുമായി അണിയറ പ്രവർത്തകർ എത്തിയത്.
വ്യത്യസ്തമായ പ്രമോഷൻ പരിപാടികളിലൂടെ ഇതിനകം തന്നെ കാക്കിപ്പട പ്രേക്ഷകശ്രദ്ധ ആകർഷിച്ചു കഴിഞ്ഞു. ഷെജി വെലിയകത്ത് നിർമ്മിക്കുന്ന ചിത്രം സംവിധാനം ചെയ്തിരിക്കുന്നത് ഷെബി ചൗഘട്ട് ആണ്.
ലോകകപ്പ് മത്സരവേദിയിലൊരു റിലീസിംഗ് തിയതി പ്രഖ്യാപനം; "കാക്കിപ്പട' ക്രിസ്മസിന്
04:24 PM Dec 13, 2022 | Deepika.com