ബോളിവുഡ് സംവിധായകന്‍ രാം ഗോപാല്‍ വര്‍മയും നടി ആശു റെഡ്ഡിയും ഒന്നിച്ചുള്ള ഒരു അഭിമുഖമാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്. അഭിമുഖത്തിലെ ഒരു രംഗമാണ് ഇപ്പോൾ വിവാദത്തിനും വിമർശനത്തിനും ഇടയാക്കിയിരിക്കുന്നത്. അഭിമുഖത്തിന്‍റെ അവസാനം രാം ഗോപാൽ നടിയുടെ കാലുകളിൽ ചുംബിക്കുന്നതാണ് വിവാദങ്ങൾക്കിടയാക്കിയത്.
എന്നാല്‍, വര്‍മയുടെ പുതിയ സിനിമയുടെ പ്രൊമോഷന്റെ ഭാഗമായാണ് വീഡിയോ ചിത്രീകരിച്ചതെന്നാണ് റിപ്പോര്‍ട്ട്. ആശു സോഫയിലും വര്‍മ നിലത്തുമാണ് ഇരിക്കുന്നത്. വീഡിയോ പുറത്തുവരുന്നതിനു മുമ്പ് 'ഡെയ്ഞ്ചറസായ ഞാന്‍ ഇരട്ടി ഡെയ്ഞ്ചറായ ആശു റെഡ്ഡിക്കൊപ്പം' എന്ന ക്യാപ്ഷനോടെ ഒരു ഫോട്ടോ വര്‍മ പോസ്റ്റ് ചെയ്തിരുന്നു.
അടുത്തിടെ, ഇരുവരും ഒരുമിച്ച് ചെയ്ത ചിത്രമായ ഡെയിഞ്ചറസിന്‍റെ പ്രൊമോഷന്റെ ഭാഗമായി ഇത്തരത്തില്‍ വീഡിയോ ചെയ്യണോ എന്നാണ് സൈബര്‍ ലോകം ചോദിക്കുന്നത്. സിനിമകളുടെ പ്രൊമോഷനു വേണ്ടി എന്തും ചെയ്യുമെന്ന അവസ്ഥ ശരിയല്ലെന്ന് ആളുകള്‍ പറയുന്നു.
സ്പായോ മസാജ് പാര്‍ലറോ തുടങ്ങാന്‍ പദ്ധതിയുണ്ടോ എന്നും ആരാധകര്‍ ചോദിക്കുന്നു. ഒരുകാലത്ത് വലിയ ഹിറ്റുകള്‍ ചെയ്ത രാം ഗോപാല്‍ വര്‍മ ഇങ്ങനെ തരം താഴേണ്ടതുണ്ടോ എന്നും ആരാധകര്‍ ചോദിക്കുന്നു.