സുരാജ് വെഞ്ഞാറമൂടിനെ നായകനാക്കി ഒരുക്കുന്ന എന്നാലും എന്റളിയാ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തിറക്കി. ലുക്കാ ചുപ്പി എന്ന ചിത്രത്തിലൂടെ പ്രശസ്തനായ ബാഷ് മുഹമ്മദാണ് ചിത്രം സംവിധാനം ചെയ്യുന്നത്.
ലൗ ജിഹാദ് എന്നായിരുന്നു ചിത്രത്തിന്റെ ആദ്യത്തെ പേര്. എന്നാല് പിന്നീട് ഈ പേര് മാറ്റുകയായിരുന്നു. ലെന, ഗായത്രി അരുണ്, മീര നന്ദന്, സിദ്ധീഖ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
കൗമാരക്കാരിയായ ഒരു മുസ്ലീം പെണ്കുട്ടി ഹിന്ദു കുടുംബത്തിലെ ഒരു യുവാവുമായി പ്രണയത്തിലാകുന്നതും തുടര്ന്നുണ്ടാകുന്ന പ്രശ്നങ്ങളുമാണ് ചിത്രം പറയുന്നത്. ചിത്രത്തിന് കഥ ഒരുക്കിയിരിക്കുന്നതും ബാഷ് തന്നെയാണ്.
ശ്രീകുമാര് അറക്കലിന്റേതാണ് ചിത്രത്തിന്റെ തിരക്കഥ. ഛായഗ്രഹണം പ്രകാശ് വേലായുധന്. സംഗീതം വില്യം ഫ്രാന്സീസ്. എഡിറ്റിംഗ് മനോജ്. മാജിക്ക് ഫ്രെയിംസിന്റെ ബാനറില് ലിസ്റ്റിന് സ്റ്റീഫനാണ് ചിത്രം നിര്മിക്കുന്നത്.
സുരാജ് വെഞ്ഞാറമൂടിന്റെ എന്നാലും എന്റളിയാ; ഫസ്റ്റ് ലുക്ക്
04:12 PM Nov 24, 2022 | Deepika.com