പ്രേക്ഷകരുടെ പ്രിയതാരമാണ് അബ്ബാസ്. ഇപ്പോഴിതാ അബ്ബാസ് പങ്കുവച്ച കുറിപ്പാണ് ശ്രദ്ധേയമായിരിക്കുന്നത്. ആശുപത്രിയിൽ നിന്നുള്ള ചിത്രത്തോടൊപ്പം ശസ്ത്രക്രിയ ചെയ്തതിനെ പറ്റിയും താരം പറയുന്നുണ്ട്. വലതു കാലിന് പരിക്കേറ്റ താരത്തിന് ശസ്ത്രക്രിയ ചെയ്തിരുന്നു
ആശുപത്രിയിൽ ആയിരിക്കുമ്പോൾ എന്റെ ഉത്കണ്ഠകൾ ഏറ്റവും മോശമായ നിലയിലേക്ക് എത്തും. പക്ഷേ ചില ഭയങ്ങളെ മറികടക്കാനും ഞാൻ ശ്രമിച്ചു. എന്റെ മനസിനെ ശക്തിപ്പെടുത്താൻ ഞാൻ സ്വയം പ്രയത്നിച്ചു കൊണ്ടിരുന്നു. ശസ്ത്രക്രിയ വിജയകരമായി പൂർത്തിയാക്കി. ഉടൻ വീട്ടിലെത്തണം. നിങ്ങളുടെ പ്രാർത്ഥനകൾക്കും ആശംസകൾക്കും നന്ദി. അബ്ബാസ് കുറിച്ചു.
നിരവധി ആരാധകരാണ് താരത്തിന് സൗഖ്യം നേർന്നിരിക്കുന്നത്. താരത്തിന്റെ വലതുകാലിനാണ് ശസ്ത്രക്രിയ നടത്തിയത്. ബൈക്കിൽ നിന്ന് വീണ് നടന്റെ രണ്ടു കാലിനും പരിക്കേറ്റിരുന്നു. ഓഗസ്റ്റ് 23നാണ് തന്റെ കണങ്കാലിന് ചെറിയ പരിക്ക് പറ്റിയെന്ന് അബ്ബാസ് പറഞ്ഞത്. കാൽമുട്ടിനേറ്റ പരിക്കിന് ഫിസിയോതെറാപ്പി നടത്തുകയാണെന്നും വലതുകാലിന് ശസ്ത്രക്രിയ നടത്തുമെന്നും അദ്ദേഹം പറഞ്ഞിരുന്നു.
ശസ്ത്രക്രിയ കഴിഞ്ഞുവെന്ന് അബ്ബാസ്; എന്തിനെന്ന് ആരാധകർ
01:34 PM Nov 20, 2022 | Deepika.com