ഇർഷാദിനെ നായകനാക്കി ഒമർ ലുലു സംവിധാനം ചെയ്യുന്ന പുതിയ ചിത്രം നല്ല സമയത്തിന്റെ ട്രെയിലർ പുറത്തിറങ്ങി. അഞ്ചു നായികമാരാണ് ചിത്രത്തിൽ. ചിത്രത്തിന് എ സർട്ടിഫിക്കറ്റ് ആണ് സെൻസർബോർഡ് നൽകിയിരിക്കുന്നത്.
നീന മധു, ഗായത്രി ശങ്കർ, നോറ ജോൺസൺ, നന്ദന സഹദേവൻ, സുവൈബത്തുൽ ആസ്ലമിയ്യ എന്നിവരാണ് ചിത്രത്തിലെ പുതുമുഖ നായികമാർ. നൂലുണ്ട വിജീഷ് മറ്റൊരു പ്രധാന വേഷങ്ങളിൽ എത്തുന്നു. റഹീം, ശിവജി ഗുരുവായൂർ, ജയരാജ് വാരിയർ തുടങ്ങിയവരും ചിത്രത്തിൽ വേഷമിടുന്നു.
ഹാപ്പി വെഡ്ഡിംഗ്, ചങ്ക്സ്, ഒരു അഡാറ് ലൗവ്, ധമാക്ക, എന്നീ സിനിമകൾക്കു ശേഷം ഒമർ സംവിധാനം ചെയ്യുന്ന ചിത്രമാണ് ‘നല്ല സമയം’. നവാഗതനായ കലന്തൂറാണ് ചിത്രം നിര്മിക്കുന്നത്. ഒമർ ലുലുവും നവാഗതയായ ചിത്രയും ചേർന്നാണ് തിരക്കഥ ഒരുക്കിയിരിക്കുന്നത്.
ഛായഗ്രഹണം സിദ്ധാർഥ്. എഡിറ്റിംഗ് രതിൻ രാധാകൃഷ്ണൻ. ചിത്രം നവംബർ 25ന് തിയറ്ററുകളിൽ എത്തും.