ഒരുത്തിയ്ക്ക് ശേഷം വി.കെ. പ്രകാശ് സംവിധാനം ചെയ്യുന്ന പുതിയ ചിത്രം തുടങ്ങി. ലൈവ് എന്നു പേരിട്ടിരിക്കുന്ന ചിത്രത്തിന്റെ പൂജ അഞ്ചു മന ദേവീക്ഷേത്രത്തിൽ നടന്നു.
മംമ്താ മോഹൻദാസ്, സൗബിൻ ഷാഹിർ, ഷൈൻ ടോം ചാക്കോ, പ്രിയാ വാര്യർ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ പ്രമുഖ താരങ്ങളും അണിനിരക്കുന്നു.
എസ്.സുരേഷ് ബാബുവാണ് ചിത്രത്തിന്റെ രചന നിർവഹിക്കുന്നത്.
ഒരുത്തിക്കു ശേഷം വി.കെ.പ്രകാശും എസ്.സുരേഷ് ബാബുവും ഒന്നിക്കുന്ന ചിത്രം എന്ന പ്രത്യേകതയും ലൈവിനുണ്ട്. സംഗീതം അൽഫോൻസ് ജോസഫ്.നിഖിൽ എസ്.പ്രവീൺ ഛായാഗ്രഹണവും സുനിൽ എസ്.പിള്ള എഡിറ്റിംഗും നിർവഹിക്കുന്നു. ഫിലിംസ്24 ന്റെയും ദർപ്പൺ ബംഗേജാ പ്രസന്റസിന്റെയും ബാനറിൽ, ദർപ്പൺ ബംഗ്രേജാ, നിധിൻ കുമാർ എന്നിവരാണ് ഈ ചിത്രം നിർമ്മിക്കുന്നത്.
"ലൈവ്' ആരംഭിക്കുന്നു; വി.കെ. പ്രകാശിന്റെ പുതിയ ചിത്രം; മംമ്ത നായിക
03:51 PM Nov 18, 2022 | Deepika.com