തിങ്കളാഴ്ച നിശ്ചയത്തിന് ശേഷം സെന്ന ഹെഗ്ഡെ സംവിധാനം ചെയ്യുന്ന രണ്ടാമത്തെ മലയാള ചിത്രം 1744 വൈറ്റ് ഓൾട്ടോയുടെ ട്രെയിലർ പുറത്തിറങ്ങി. ഷറഫുദ്ദീൻ നായകനാകുന്ന ചിത്രം കാഞ്ഞങ്ങാട് പശ്ചാത്തലമാക്കിയാണ് ഒരുക്കിയിരിക്കുന്നത്.
കബിനി ഫിലിംസിന്റെ ബാനറിൽ മൃണാൾ മുകുന്ദൻ, ശ്രീജിത്ത് നായർ, വിനോദ് ദിവാകർ എന്നിവർ ചേർന്നാണ് ചിത്രം നിർമിക്കുന്നത്. ഡ്രീം ബിഗ് ഫിലിംസ് ചിത്രം വിതരണം ചെയ്യുന്നു.
വിൻസി അലോഷ്യസ്, രാജേഷ് മാധവൻ, നവാസ് വള്ളിക്കുന്ന്, ആര്യ സലിം, ആനന്ദ് മന്മഥൻ, സജിൻ ചെറുകയിൽ, ആർജെ നിൽജ, രഞ്ജി കാങ്കോൽ തുടങ്ങിയവരും ചിത്രത്തിലുണ്ട്. ഛായാഗ്രഹണം ശ്രീരാജ് രവീന്ദ്രൻ.
സെന്ന ഹെഗ്ഡേ, ശ്രീരാജ് രവീന്ദ്രൻ, അർജുനൻ എന്നിവർ ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഹരിലാൽ കെ. രാജീവ് ചിത്രസംയോജനം നിർവഹിച്ചിരിക്കുന്നു. സംഗീതം മുജീബ് മജീദ്. ചിത്രം നവംബർ 18ന് തിയറ്റിലെത്തും