ഛായാഗ്രാഹകൻ ഓട്ടാന്പള്ളിൽ പപ്പു(44) അന്തരിച്ചു. ഏറെക്കാലമായി രോഗ ബാധിതനായി ചികിത്സയിലായിരുന്നു. ഞാൻ സ്റ്റീവ് ലോപ്പസ്, സെക്കൻഡ് ഷോ, കൂതറ, അയാൾ ശശി, അപ്പൻ, ഈട, റോസ് ഗിറ്റാറിനാൽ തുടങ്ങിയ ചിത്രങ്ങൾക്ക് ഛായാഗ്രഹണം നിർവഹിച്ചിരുന്നു. സംസ്കാരം ഇന്ന് രാത്രി 12ന് വീട്ടുവളപ്പിൽ.
മജു സംവിധാനം ചെയ്ത ഈയടുത്ത് പുറത്തിറങ്ങിയ അപ്പൻ എന്ന സിനിമയിലാണ് പപ്പു അവസാനം പ്രവർത്തിച്ചത്. ഷൂട്ട് തുടങ്ങി ഒരാഴ്ചയ്ക്കു ശേഷം ആരോഗ്യം മോശമായതിനെ തുടർന്ന് ചിത്രത്തിൽ നിന്നും അദ്ദേഹം പിന്മാറുകയായിരുന്നു.
തുടർന്ന് വിനോദ് ഇല്ലംപള്ളിയാണ് സിനിമയുടെ ഛായാഗ്രഹണം പൂർത്തിയാക്കിയത്. അന്നയും റസൂലും, കമ്മട്ടിപ്പാടം സിനിമയുടെ സെക്കൻഡ് യൂണിറ്റ് ക്യാമറാമാനായും പ്രവർത്തിച്ചിട്ടുണ്ട്.
ഛായാഗ്രാഹകൻ പപ്പു അന്തരിച്ചു; അവസാന ചിത്രം "അപ്പൻ'
01:34 PM Nov 14, 2022 | Deepika.com