പ്രശസ്ത സംവിധായകന് ശങ്കറും ഉലകനായകന് കമല്ഹാസനും ഒന്നിക്കുന്ന ഇന്ത്യൻ 2വിന്റെ ഏറ്റവും പുതിയ ഫസ്റ്റ്ലുക്ക് പുറത്ത്. സേനാപതിയായി എത്തുന്ന കമൽഹാസന്റെ ലുക്ക് ആണ് അണിയറ പ്രവർത്തകർ പുറത്തുവിട്ടിരിക്കുന്നത്. കമൽഹാസന്റെ പിറന്നാളിനോടനുബന്ധിച്ചാണ് ഫസ്റ്റ് ലുക്ക് റിലീസ് ചെയ്തത്.
കാജൽ അഗർവാൾ ആണ് ഇന്ത്യൻ 2വില് നായിക. രാകുൽ പ്രീത്, സിദ്ധാർഥ് എന്നിവരാണ് മറ്റുതാരങ്ങൾ.അഴിമതിക്കെതിരെ പോരാടുന്ന ഇന്ത്യന് എന്ന കഥാപാത്രമായി കമല്ഹാസന് തകര്ത്തഭിനയിച്ച 'ഇന്ത്യന്' 1996ലാണ് പ്രദര്ശനത്തിനെത്തിയത്. ചിത്രത്തില് ഇരട്ടവേഷത്തില് അഭിനയിച്ച കമല്ഹാസന് മികച്ച നടനുള്ള ദേശീയ പുരസ്കാരവും ലഭിച്ചിരുന്നു.
‘ഇന്ത്യൻ’ സിനിമയുടെ ക്ലൈമാക്സ് രംഗം ആ സിനിമയ്ക്ക് ഒരു തുടര്ച്ചയുണ്ടാകുമെന്ന സൂചന നല്കിയിരുന്നു. 200 കോടിയാണ് സിനിമയുടെ രണ്ടാം ഭാഗത്തിന്റെ ബജറ്റ്. ലൈക പ്രൊഡക്ഷൻസാണ് ചിത്രം നിർമിക്കുന്നത്.
സേനാപതിയായി കൽഹാസൻ; ഇന്ത്യൻ 2 ഫസ്റ്റ് ലുക്ക്
12:19 PM Nov 07, 2022 | Deepika.com