പാർവതി തിരുവോത്ത്, പദ്മപ്രിയ, നിത്യ മേനോൻ, സയനോര എന്നിവരെ പ്രധാന കഥാപാത്രങ്ങളാക്കി അഞ്ജലി മേനോൻ സംവിധാനം ചെയ്യുന്ന വണ്ടർ വുമണിന്റെ ട്രെയിലർ പുറത്തിറക്കി. നദിയ മൊയ്തു, അർച്ചന പത്മിനി, അമൃത സുഭാഷ് എന്നിവരാണ് ചിത്രത്തിലെ മറ്റ് അഭിനേതാക്കൾ.
സോണി ലിവ്വിലൂടെ നവംബർ 18നാണ് ചിത്രം റിലീസ് ചെയ്യുന്നത്. 2018ൽ പുറത്തിറങ്ങിയ കൂടെ എന്ന ചിത്രത്തിനു ശേഷം അഞ്ജലി മേനോൻ സംവിധാനം ചെയ്യുന്ന ചിത്രം കൂടിയാണിത്. അമ്മയാകാൻ തയാറെടുക്കുന്ന സ്ത്രീകളുടെ ബുദ്ധിമുട്ടുകളും അവർ അനുഭവിക്കുന്ന മാനസിക സമ്മർദങ്ങളും അവരുടെ ജീവിതസാഹചര്യങ്ങളുമാണ് ചിത്രം പറയുന്നത്.
ചിത്രത്തിന് തിരക്കഥ എഴുതിയിരിക്കുന്നതും അഞ്ജലി തന്നെയാണ്. സംഗീതം ഗോവിന്ദ് വസന്ത. ഛായാഗ്രഹണം മനീഷ് മാധവൻ.