മാമുക്കോയെ കേന്ദ്രകഥാപാത്രമാക്കി സ്നേഹജിത്ത് കഥയും സംവിധാനവും നിർവഹിക്കുന്ന ഗഫൂർക്ക ദോസ്ത് സിനിമയുടെ ചിത്രീകരണം കൊച്ചിയിൽ തുടങ്ങി. സീൻ നമ്പർ 001, ദൈവം സാക്ഷി എന്നീ സിനിമകൾക്ക് ശേഷം സ്നേഹജിത്ത് ഒരുക്കുന്ന ചിത്രമാണിത്.
ഹാസ്യരസപ്രദമായ ഈ കുടുംബചിത്രത്തിൽ മാമുക്കയോടൊപ്പം സുധീർ കരമന, ഷിബു തിലകൻ, സുധീർ പറവൂർ, ഹാഷിം ഹുസൈൻ, കലാഭവൻ ഹനീഫ്,സാജൻ പള്ളുരുത്തി,രജിത് കുമാർ,ഷൈജു അടിമാലി, ഉല്ലാസ് പന്തളം, മെറീന മൈക്കിൾ തുടങ്ങിയവർ അഭിനയിക്കുന്നു.
എ സ്ക്വയർ ഫിലിംസിന്റെ ബാനറിൽ ഹദ്ദാദാണ് ചിത്രം നിർമിക്കുന്നത്. തിരക്കഥ തോമസ് തോപ്പിൽകൂടി. ബിനു എസ്.നായർ ഛായാഗ്രാഹണവും സനൽ അനിരുദ്ധൻ എഡിറ്റിംഗും നിർവഹിക്കുന്നു. സന്തോഷ് വർമ, ഷിജു അഞ്ചുമന എന്നിവരുടെ ഗാനങ്ങൾക്ക് യൂനിസിയോ സംഗീതം പകരുന്നു.
ഗഫൂർക്ക ദോസ്ത് ചിത്രീകരണം തുടങ്ങി
03:02 PM Nov 01, 2022 | Deepika.com