നടി ആശ ശരത്തിന്റെ മകൾ ഉത്തര ശരത്തിന്റെ വിവാഹ നിശ്ചമായിരുന്നു ഞായറാഴ്ച. ഇപ്പോഴിതാ വിവാഹ നിശ്ചയത്തിന്റെ ചിത്രങ്ങൾ പങ്കുവച്ചിരിക്കുകയാണ് താരം. നടിയുടെ രണ്ടു മക്കളിൽ മൂത്തയാളാണ് ഉത്തര. മുബൈ മലയാളി ആദിത്യയാണ് ഉത്തരയുടെ വരൻ. ഇരുവരുടയെും വിവാഹം മാർച്ച് 18നാണ് നടക്കുക. ചിത്രം പങ്കുവച്ച് ആശ എഴുതിയ കുറിപ്പാണ് ഇപ്പോൾ ശ്രദ്ധേയം.
‘പുതിയ ജീവിതത്തിലേക്ക് ചേക്കേറാനായി കിളിക്ക് കൂടുവിട്ട് ആകാശത്തേക്ക് പറന്നുയരാനുള്ള സമയമായിരിക്കുന്നു. എന്റെ പങ്കു ചിറകുകൾ വിടർത്തി പുതിയ കൂട്ടിലേക്കുള്ള യാത്ര തുടങ്ങുന്നു. അവളുടെ വിവാഹ നിശ്ചയത്തിന്റെ ഈ സന്തോഷകരമായ നിമിഷം ഞാൻ എന്റെ സുഹൃത്തുക്കളുമായും പ്രിയപ്പെട്ടവരുമായും പങ്കിടാൻ ആഗ്രഹിക്കുന്നു.’’–വിവാഹനിശ്ചയ ചിത്രങ്ങൾ പങ്കുവച്ച് ആശ ശരത് കുറിച്ചു.
മുംബൈ സ്വദേശികളായ സച്ചിൻ മേനോന്റെയും അനിത മേനോന്റെയും മകനാണ് ആദിത്യ. എൽഎൽബി, സിഎ വിദ്യാഭ്യാസം പൂർത്തിയാക്കിയ ആദിത്യ ഇപ്പോൾ കെപിഎംജിയിലാണ് ജോലി ചെയ്യുന്നത്.