സൂപ്പർ നായിക തമന്നയുടെ മലയാളത്തിലേക്കുള്ള ചുവട്വയ്പ്പ് എന്ന പേരിൽ ശ്രദ്ധയാകർഷിച്ച ദിലീപ് ചിത്രത്തിന്റെ പേര് പുറത്തുവിട്ടു. ഡി-147 എന്ന് ആരാധകർ വിശേഷിപ്പിച്ച ചിത്രത്തിന്റെ ടൈറ്റിൽ പോസ്റ്ററിൽ "ബാന്ദ്ര' എന്ന പേരിനൊപ്പം മാസ് അവതാരത്തിലുള്ള ദിലീപിന്റെ ചിത്രവുമുണ്ട്.
ദിലീപിന്റെ ജന്മദിനത്തോട് അനുബന്ധിച്ചാണ് അണിയറപ്രവർത്തകർ പോസ്റ്റർ പുറത്തുവിട്ടത്. മുംബൈ അധോലാകമെന്ന മലയാള സിനിമയുടെ എക്കാലത്തെയും പ്രിയപ്പെട്ട വിഷയമാണ് ബാന്ദ്രയിലും പ്രധാന കഥാതന്തുവാകുന്നത്.
2017-ൽ പുറത്തിറങ്ങിയ "രാമലീല' എന്ന ചിത്രത്തിന്റെ വൻ വിജയത്തിന് ശേഷം അരുൺ ഗോപി ദിലീപിനെ നായകനാക്കി ഒരുക്കുന്ന ബാന്ദ്രയുടെ തിരക്കഥ ഉദയകൃഷ്ണയുടേതാണ്. ആക്ഷൻ - ത്രില്ലർ സ്വഭാവത്തിലെത്തുന്ന ബിഗ് ബജറ്റ് ചിത്രം നിർമിക്കുന്നത് അജിത് വിനായകയാണ്.
കലാഭവൻ ഷാജോൺ, ലെന, ശരത് കുമാർ എന്നിവർ അണിനിരക്കുന്ന ചിത്രത്തിന്റെ ഛായാഗ്രാഹകൻ ഷാജി കുമാറാണ്. വിവേക് ഹർഷൻ ചിത്രസംയോജനവും സാം സി. എസ്. സംഗീത സംവിധാനവും നിർവഹിക്കുന്നു.
ഡി ഫോർ ഡോൺ; "ബാന്ദ്ര' എത്തുന്നു
11:44 AM Oct 27, 2022 | Deepika.com