വൈകിയെങ്കിലും ആരാധകർക്കായി ദീപാവലി ചിത്രങ്ങൾ പങ്കുവച്ച് പ്രിയങ്ക ചോപ്രാ. അമേരിക്കയിൽ കുടുംബസമേതമായിരുന്നു താരത്തിന്റെ ദീപാവലി ആഘോഷം. മകൾക്കും നിക്കിനുമൊപ്പമുള്ള ചിത്രങ്ങൾ താരം പങ്കുവച്ചു.
എല്ലാവർക്കും സ്നേഹവും സമാധാനവും സമൃദ്ധിയും. കൃതജ്ഞത നിറഞ്ഞ ഹൃദയത്തിൽ നിന്ന്, നിങ്ങൾക്കെല്ലാവർക്കും ഞാൻ ദീപാവലി ആശംസകൾ നേരുന്നു. ക്ഷമിക്കണം, ഞാൻ അൽപ്പം വൈകിപ്പോയി, എങ്കിലും എല്ലാവർക്കും ആശംസകൾ താരം കുറിച്ചു.
പാവാടയും ടോപ്പും ധരിച്ച് പൊട്ടു കുത്തിയാണ് മകളെ പ്രിയങ്ക ഒരുക്കിയത്. ബേയ്ജ് കളറിലുള്ള വസ്ത്രത്തിലായിരുന്നു അമ്മയും മകളും ദീപാവലിക്കായി ഒരുങ്ങിയത്. പാതി മറച്ചുള്ള ചിത്രമാണ് മകളുടേതായി താരം പങ്കുവച്ചിരിക്കുന്നത്.
2022 ജനുവരി 22നാണ് പ്രിയങ്ക ചോപ്രയ്ക്കും നിക് ജൊനാസിനും വാടകഗർഭപാത്രത്തിലൂടെ പെൺകുഞ്ഞ് പിറന്നത്. മാൾട്ടി മേരി ചോപ്ര ജൊനാസ് എന്നാണ് മകളുടെ മുഴുവൻ പേര്. ‘മാൾട്ടി’ എന്ന വാക്ക് സംസ്കൃതത്തിൽ നിന്നും ഉത്ഭവിച്ചതാണ്. ചെറിയ സുഗന്ധമുള്ള പുഷ്പം അല്ലെങ്കിൽ ചന്ദ്രപ്രകാശം എന്നാണ് വാക്കിന്റെ അർഥം. യേശുക്രിസ്തുവിന്റെ മാതാവായ മേരി എന്ന ബിബ്ലിക്കൽ അർഥവുമുണ്ട് പേരിന്.
കുഞ്ഞിനൊപ്പം ദീപാവലി ആഘോഷിച്ച് പ്രിയങ്കയും നിക്കും; ചിത്രങ്ങൾ
01:39 PM Oct 26, 2022 | Deepika.com