മാത്തുക്കുട്ടി സേവ്യര് സംവിധാനം ചെയ്ത ഹെലന് ചിത്രത്തിന്റെ ഹിന്ദി റീമേക്ക് മിലിയുടെ ട്രെയിലര് പുറത്തിറങ്ങി. ജാന്വി കപൂര് പ്രധാന കഥാപാത്രത്തെ അവതരിപ്പിക്കുന്ന ചിത്രം നവംബര് നാലിന് തിയറ്റുകളിലെത്തും.
ജാന്വി കപൂറിന്റെ അച്ഛനും നിര്മാതാവുമായ ബോണി കപൂറാണ് ചിത്രം നിര്മിക്കുന്നത്. മലയാളത്തില് അന്ന ബെന്നിനെ നായികയാക്കി 2019ല് പുറത്തിറങ്ങിയ ചിത്രം ഒരു സര്വൈവല് ത്രില്ലറായിരുന്നു.
കൂടാതെ 67ാമത് ദേശീയ ചലചിത്ര പുരസ്കാര വേദിയില് ചിത്രത്തിന് രണ്ടു അവാര്ഡുകളും ലഭിച്ചു. മികച്ച നവാഗത സംവിധായകനും മികച്ച മേക്കപ്പ് ആര്ടിസ്റ്റിനുള്ള പുരസ്കാരമാണ് ലഭിച്ചത്.
ഹെലൻ സിനിമയുടെ തമിഴ് പതിപ്പ് 'അൻപിർക്കിനിയാൾ' ഈയിടെ പുറത്തിറങ്ങിയിരുന്നു. അന്ന ബെന്നും ലാലും അവതരിപ്പിച്ച വേഷങ്ങളിൽ അരുണ് പാണ്ഡ്യനും മകള് കീര്ത്തി പാണ്ഡ്യനും അഭിനയിച്ചു. തമിഴിൽ ശ്രദ്ധേയ സിനിമകളൊരുക്കിയ ഗോകുലായിരുന്നു സിനിമയുടെ സംവിധായകൻ.