ഹാരി പോട്ടര് സിനിമകളിലൂടെ ശ്രദ്ധേയനായ സ്കോട്ടിഷ് നടന് റോബി കോള്ട്രെയ്ന്(72)അന്തരിച്ചു. ഹാരി പോട്ടര് സിനിമകളിലെ ഹാഗ്രിഡ് എന്ന കഥാപാത്രത്തെ അരങ്ങിലെത്തിച്ച് ആരാധകര്ക്ക് ഏറ്റവും പ്രിയങ്കരനായി മാറിയ നടനാണ് റോബി കോള്ട്രെയ്ന്.
സ്കോട്ലന്ഡിലെ ഫാല്ക്രിക്കിലെ ആശുപത്രിയിലായിരുന്നു അന്ത്യം. രണ്ടു വര്ഷമായി രോഗബാധിതനായിരുന്നു. 1990കളിലെ ടെലിവിഷന് പരമ്പരയായ ക്രാക്കറിലൂടെയാണ് റോബി ശ്രദ്ധ നേടുന്നത്.
ബ്രിട്ടിഷ് അക്കാദമിയുടെ ടെലിവിഷന് അവാര്ഡില് മികച്ച നടനുള്ള പുരസ്കാരം തുടര്ച്ചയായി മൂന്നു തവണ അദ്ദേഹം സ്വന്തമാക്കി. തുടര്ന്ന് ജെ.കെ.റൗളിംഗിന്റെ ഹാരി പോട്ടറിലെത്തിയ അദ്ദേഹം 2001 മുതല് 2011 വരെ റിലീസ് ചെയ്ത എട്ടു ചിത്രങ്ങളിലും അഭിനയിച്ചു.
ജെയിംസ് ബോണ്ട് ചിത്രമായ ഗോള്ഡന് ഐ, ദി വേള്ഡ് ഈസ് നോട്ട് ഇനഫ് എന്നീ ചിത്രങ്ങളിലും റോബി അഭിനയിച്ചിട്ടുണ്ട്. സഹോദരി ആനി റേ, മക്കളായ സ്പെന്സര്, ആലീസ് എന്നിവര്ക്കൊപ്പമായിരുന്നു റോബി താമസിച്ചിരുന്നത്.
ഹാരി പോട്ടറിലെ പ്രിയപ്പെട്ട ഹാഗ്രിഡ്; നടന് റോബി കോള്ട്രെയ്ന് അന്തരിച്ചു
09:53 AM Oct 15, 2022 | Deepika.com