സൗബിന്‍ ഷാഹിറും അര്‍ജുന്‍ അശോകനും പ്രധാന വേഷത്തിലെത്തുന്ന രോമഞ്ചം ട്രെയിലര്‍ പുറത്തിറങ്ങി.ദുരാത്മക്കളുടെ സാന്നിധ്യം ഓജോ ബോര്‍ഡുപയോഗിച്ച് കണ്ടുപിടിക്കുന്നതും പിന്നീടുണ്ടാകുന്ന രസകരമായ സംഭവ വികാസങ്ങളുമാണ് ട്രെയിലറില്‍ കാണിക്കുന്നത്.
ജിത്തു മാധവനാണ് ചിത്രം സംവിധാനം ചെയ്യുന്നത്. ചെമ്പന്‍വിനോദ് ചിത്രത്തില്‍ അതിഥിവേഷത്തിലെത്തുന്നു. അസീം ജമാല്‍, സജിന്‍ ഗോപു എന്നിവരും മറ്റു പ്രധാനകഥാപാത്രങ്ങളെ അവതരിപ്പിക്കുന്നു.
ഗപ്പി,അമ്പിളി ചിത്രങ്ങളുടെ തിരക്കഥാകൃത്തും സംവിധായകനുമായ ജോണ്‍ പോള്‍ ജോര്‍ജും നടന്‍ സൗബിന്‍ ഷാഹിര്‍,ഛായഗ്രഹകന്‍ ഗിരീഷ് ഗംഗാംധരന്‍ എന്നിവര്‍ ചേര്‍ന്നാണ് രോമാഞ്ചം നിര്‍മിക്കുന്നത്.
സുശീല്‍ ശ്യാമാണ് ചിത്രത്തിന്‍റെ സംഗീതം നിര്‍വഹിച്ചിരിക്കുന്നത്. ഛായഗ്രഹകന്‍ സാനു താഹിര്‍. എഡിറ്റിംഗ് കിരണ്‍ദാസ്. ഒക്ടോബര്‍ 14-ന് ചിത്രം തിയറ്ററിലെത്തും.