നീണ്ട ഇടവേളയ്ക്ക് ശേഷം നടി നിത്യ ദാസ് നായിക വേഷത്തിലെത്തുന്ന ചിത്രമാണ് പള്ളിമണി. ജനപ്രിയ നോവലിസ്റ്റും തിരക്കഥാകൃത്തുമായ കെ.വി. അനിൽ രചന നിർവഹിക്കുന്ന സൈക്കോ ഹൊറർ ത്രില്ലർ ചിത്രത്തിൽ ശ്വേത മേനോനും സുപ്രധാന കഥാപാത്രത്തെ അവതരിപ്പിക്കുന്നു.
കലാസംവിധായകനും ബ്ലോഗറുമായ അനിൽ കുമ്പഴയാണ് ചിത്രം സംവിധാനം ചെയ്യുന്നത്. എൽ.എ പ്രൊഡക്ഷൻസിന്റെ ബാനറിൽ ലക്ഷ്മി അരുൺ മേനോൻ ആണ് ചിത്രം നിർമിക്കുന്നത്.
കൈലാഷ്, ദിനേശ് പണിക്കർ, ഹരികൃഷ്ണൻ തുടങ്ങി നിരവധി താരങ്ങളും ചിത്രത്തിലുണ്ട്.
നാൽപ്പത് ലക്ഷം രൂപ ചെലവാക്കി നിർമ്മിക്കുന്ന മൂന്ന് നിലകളുള്ള പള്ളിയാണ് ചിത്രത്തിന്റെ ഹൈലൈറ്റ്.