നടൻ നെസ്ലന്റെ പേരിൽ വ്യാജ പ്രെഫൈൽ ഉണ്ടാക്കി കമന്റിട്ടത് യുഎയിൽ നിന്നുള്ള അക്കൗണ്ട് വഴിയെന്ന് പോലീസ് കണ്ടെത്തി. ഇതു സംബന്ധിച്ച് ഫെയ്ബുക്കിനു പോലീസ് കത്തയച്ചു. കമന്റിട്ട വ്യാജ അക്കൗണ്ട് ഇപ്പോള് നിലവിലില്ല.
പ്രധാനമന്ത്രിയുടെ പിറന്നാള് ദിവസം ചീറ്റകളെ തുറന്നുവിട്ടെന്ന വാര്ത്തയുടെ താഴെയാണ് നസ്ലെന്റേതെന്ന പേരില് വ്യാജ കമന്റ് വന്നത്. തന്റെ പേരും ചിത്രവും ഉപയോഗിച്ച് നിര്മിച്ച വ്യാജ അക്കൗണ്ടാണാതെന്ന് നസ്ലെന് വ്യക്തമാക്കിയിരുന്നു.
ഫെയ്സ്ബുക്ക് ഐഡി ഉണ്ടാക്കി തന്റെ പേരിൽ തെറ്റിദ്ധാരണ പരത്തുന്ന കമന്റിട്ട വ്യാജനെതിരെ സൈബർ സെല്ലിൽ നടൻ പരാതി നൽകിയിരുന്നു. കൊച്ചി സൈബർ സെല്ലിലാണ് പരാതി നൽകിയത്.
‘‘കുറച്ച് സുഹൃത്തുക്കൾ സ്ക്രീൻ ഷോട്ട് എടുത്ത് അയച്ചുതന്നപ്പോഴാണ് ഇങ്ങനെയൊരു പ്രശ്നത്തേക്കുറിച്ച് അറിയുന്നത്. ഫെയ്സ്ബുക്കില് എനിക്കുള്ളത് ഒരു പേജാണ്. അത് കൈകാര്യം ചെയ്യുന്നത് ഞാനല്ല. സോഷ്യല് മീഡിയയില് അത്ര ആക്ടീവുമല്ല.
ഏതോ ഒരാള് ചെയ്ത കാര്യത്തിനാണ് ഞാനിപ്പോള് പഴി കേള്ക്കുന്നത്. അങ്ങനെ പഴി കേള്ക്കുമ്പോള് എനിക്കുണ്ടാവുന്ന ദുഃഖം അതിഭീകരമാണ്. ഇതാര് ചെയ്തതായാലും എന്റെ ഭാഗത്തുനിന്നു കൂടി അവർ ചിന്തിച്ചു നോക്കണം.’’–നസ്ലെൻ ഇൻസ്റ്റഗ്രാമിൽ പങ്കുവച്ച വീഡിയോയിൽ പറഞ്ഞു.
നടൻ നെസ്ലന്റെ പേരിൽ കമന്റിട്ട വ്യാജ അക്കൗണ്ട് യുഎയിൽ നിന്ന്
10:11 AM Sep 20, 2022 | Deepika.com