ഇന്ത്യന് പര്യടനം റദ്ദാക്കി ഗായകന് ജസ്റ്റിന് ബീബര്. ഒക്ടോബര് 18ന് ഡല്ഹിയില് നടത്താനിരുന്ന സംഗീതപരിപാടി റദ്ദാക്കുന്നുവെന്ന് ബീബറിന്റെ അടുത്ത വൃത്തങ്ങള് അറിയിച്ചു. ആരോഗ്യപ്രശ്നങ്ങളെ തുടര്ന്നാണ് മാറ്റം.
ഇന്ത്യയ്ക്കു പുറമേ, ചിലി, അർജന്റീന, സൗത്ത് ആഫ്രിക്ക, ബഹ്റൈൻ, ഇസ്രായേൽ എന്നിവിടങ്ങളിലെയും സംഗീത പരിപാടികൾ ഗായകൻ റദ്ദാക്കി.
ആരോഗ്യം കണക്കിലെടുത്ത് ലോക യാത്രകൾ വെട്ടിച്ചുരുക്കിയെങ്കിലും ഇന്ത്യയിലെ സംഗീതപരിപാടി മാറ്റമില്ലാതെ നടക്കുമെന്ന് കഴിഞ്ഞദിവസം സംഘാടകർ അറിയിച്ചിരുന്നു. പരിപാടിക്കായി ടിക്കറ്റുകൾ ബുക്ക് ചെയ്ത എല്ലാവരുടെയും പണം10 ദിവസത്തിനകം തിരികെ നൽകുമെന്ന് സംഘാടകസമിതി അറിയിച്ചു.
ഈ വർഷം ജൂണിലാണ് ജസ്റ്റിൻ ബീബറിന് റാംസേ ഹണ്ട് സിന്ഡ്രോം എന്ന രോഗം ബാധിച്ചത്. മുഖത്തിന്റെ ഒരു ഭാഗം ചലിപ്പിക്കാനോ കണ്പോള അടയ്ക്കാനോ ചിരിക്കാനോ കഴിയാത്ത അവസ്ഥയില് എത്തിയിരുന്നു.
മുഖത്തെ പ്രശ്നങ്ങള്ക്കു പുറമേ കേള്വിയെയും രോഗം ബാധിച്ചേക്കാമെന്ന ആശങ്കയുണ്ടായിരുന്നു. തുടര്ന്ന് 'ജസ്റ്റിസ് വേള്ഡ് ടൂര്' എന്ന ലോക സംഗീത യാത്ര തല്ക്കാലം വേണ്ടെന്നുവച്ചു. ടൊറന്റോയിലെ ആദ്യപരിപാടിക്കു മണിക്കൂറുകള് മുന്പായിരുന്നു ആരാധകരെ നിരാശയിലാക്കി ബീബറിന്റെ ആ പ്രഖ്യാപനവും എത്തിയത്.
ആരോഗ്യനില മോശം; ഇന്ത്യന് പര്യടനം റദ്ദുചെയ്ത് ജസ്റ്റിന് ബീബര്
11:39 AM Sep 16, 2022 | Deepika.com