അല്ഫോന്സ് പുത്രന് സംവിധാനം ചെയ്യുന്ന ഗോള്ഡിന്റെ റിലീസ് മാറ്റി വച്ചത് ആരാധകരെ നിരാശരാക്കിയിരുന്നു. ഇപ്പോഴിതാ അല്ഫോൺസിന്റെ ഫേസ്ബുക്ക് പേജില് കമന്റുമായി എത്തിയ ആരാധകന് സംവിധായകൻ നല്കിയ മറുപടിയാണ് ശ്രദ്ധേയമായിരിക്കുന്നത്.
റിലീസ് എന്നാ ചേട്ടാ എന്ന ചോദ്യത്തിന് കുറച്ചുകൂടി ജോലി തീരാനുണ്ട് ബ്രോ. കുറച്ച് സി ജി,കുറച്ച് മ്യൂസിക്,കുറച്ച് കളറിംഗ്..കുറച്ച് അറ്റ കുറ്റ പണികള് ബാലന്സുണ്ട്. അത് തീരുമ്പോള് തന്നെ ഞാന് തിയ്യതി പറയാം.
അത് വരെ എന്നോട് ക്ഷമിക്കണം ബ്രോ. ഓണം ആയിരുന്നു തിയറ്ററില് നിന്നും നിര്ദേശിച്ച തിയ്യതി. പക്ഷേ...അന്ന് ജോലി തീര്ന്നില്ല... വേവാത്ത ഭക്ഷണം ആര്ക്കും ഇഷ്ടമാവില്ല ബ്രോ. അതുകൊണ്ട് നല്ലോണം വെന്തിട്ട് തരാം എന്ന് കുക്കായ ഞാന് തീരുമാനിച്ചു. തിയ്യതി വൈകുന്നതില് നിങ്ങളോട് ക്ഷമ ചോദിക്കുന്നു. അല്ഫോൺസ് കുറിച്ചു.
ഏഴ് വർഷത്തെ ഇടവേളക്ക് ശേഷം അൽഫോൺസ് പുത്രൻ സംവിധാനം ചെയ്യുന്ന ചിത്രമാണ് ഗോൾഡ്. നയൻതാരയാണ് ചിത്രത്തില് നായികയായി എത്തുന്നത്. ലൗ ആക്ഷൻ ഡ്രാമ എന്ന ചിത്രത്തിന് ശേഷം നയൻതാര മലയാളത്തിൽ അഭിനയിക്കുന്ന ചിത്രമെന്ന പ്രത്യേകതയും ഗോൾഡിനുണ്ട്.
ജോഷി എന്ന കഥാപാത്രത്തെയാണ് ചിത്രത്തില് പൃഥ്വിരാജ് അവതരിപ്പിക്കുന്നത്. സുമംഗലി ഉണ്ണികൃഷ്ണൻ എന്ന കഥാപാത്രമായാണ് നയൻതാര ചിത്രത്തിൽ എത്തുന്നത്. പൃഥ്വിരാജ് പ്രൊഡക്ഷന്സ്, മാജിക് ഫ്രെയിംസ് എന്നീ ബാനറുകളില് പൃഥ്വിരാജും ലിസ്റ്റിന് സ്റ്റീഫനും ചേര്ന്നാണ് ചിത്രത്തിന്റെ നിര്മ്മാണം.
ഗോള്ഡ് റിലീസ് എന്നാ ചേട്ടാ? "കുറച്ചുകൂടി പണി തീരാനുണ്ട് ബ്രോ'; അല്ഫോൺസ് പുത്രന്
02:44 PM Sep 14, 2022 | Deepika.com