വിനയന് സംവിധാനം ചെയ്ത പത്തൊന്പതാം നൂറ്റാണ്ട് എന്ന ചിത്രം പ്രേക്ഷകഹൃദയങ്ങള് കീഴടക്കി മുന്നേറുകയാണ്. ചിത്രത്തിന് വലിയ ജനപിന്തുണയാണ് ലഭിക്കുന്നത്. ചിത്രത്തിന് വേണ്ടി നായകനായ സിജു വില്സണ് എടുത്ത പരിശ്രമത്തെക്കുറിച്ച് തുറന്ന് പറഞ്ഞിരിക്കുകയാണ് സംവിധായകന്.
കുതിര സവാരി പോലും പരിചയമില്ലാതിരുന്ന സിജുവിന് അനായമായി അതിന്മേല് കയറാനും അതിവേഗം സഞ്ചരിക്കാനും സാധിച്ചത് അദ്ദേഹത്തിന്റെ കഠിനാധ്വാനം നിറഞ്ഞ പരിശീലനം കൊണ്ട് മാത്രമാണെന്നും വിനയന് പറഞ്ഞു. ലൊക്കേഷനില് കുതിര പുറത്ത് കയറുന്ന വീഡിയോ പങ്കുവച്ചായിരുന്നു വിനയന്റെ പ്രശംസ.
‘‘മലയാളത്തിലെ ചില സംവിധായക സുഹൃത്തുക്കൾ എന്നോട് ചോദിച്ചു, ‘സിജു വിൽസൺ കുതിരപ്പുറത്ത് കയറുന്നത് റോപ്പിന്റെ സഹായത്തോടെ ആണോ’ എന്ന്. കുതിര സവാരി ഒന്നും പരിചയമില്ലാതിരുന്ന സിജുവിന് അനായാസമായി ഇങ്ങനെ കുതിരപ്പുറത്ത് ചാടി കേറാനും അതിന്മേൽ അതിവേഗം സഞ്ചരിക്കാനും ഒക്കെ സാധിച്ചത് സിജുവിന്റെ കഠിനാധ്വാനം നിറഞ്ഞ പരിശീലനം കൊണ്ടാണ്. അതിന്റെ ഒരു റിസൾട്ട് എന്നവണ്ണമാണ് കേരളജനത ഏകകണ്ഠമായി സിജു വിൽസൺ എന്ന ആക്ഷൻ ഹീറോയേ അംഗീകരിച്ചിരിക്കുന്നത്. വിനയന്റെ വാക്കുകൾ.
കുതിരപ്പുറത്ത് അനായസം ചാടിക്കയറുന്ന സിജു വിൽസൺ; ലൊക്കേഷൻ വീഡിയോ
12:35 PM Sep 14, 2022 | Deepika.com