തമിഴ് സൂപ്പര്‍ഹിറ്റ് ചിത്രം വിക്രംവേദയുടെ ഹിന്ദി റീമേക്കിന്‍റെ ട്രെയിലർ പുറത്തിറക്കി. വേദയായി ഹൃതിക് റോഷനും വിക്രമായി സെയ്ഫ് അലിഖാനും എത്തുന്നു. ചിത്രത്തിന് വിക്രംവേദ എന്നു തന്നെയാണ് ഹിന്ദിയിലും പേരിട്ടിരിക്കുന്നത്. വിജയ് സേതുപതിയും മാധവനുമായിരുന്നു തമിഴിൽ വിക്രവും വേദയുമായി എത്തിയത്.
ചിത്രം തമിഴിലൊരുക്കിയ ഗായത്രി-പുഷ്‌കര്‍ ജോഡി തന്നെയാണ് ഹിന്ദി പതിപ്പും ഒരുക്കുന്നത്. ഫ്രൈഡേ ഫിലിം‍വര്‍ക്ക്സിന്‍റെ ബാനറില്‍ നീരജ് പാണ്ഡേയും റിലയന്‍സ് എന്‍റര്‍ടെയ്‍ന്‍മെന്‍റും വൈ നോട്ട് സ്റ്റുഡിയോസും ചേര്‍ന്നാണ് നിർമാണം. ചിത്രം സെപ്റ്റംബർ 30ന് തിയറ്ററുകളിലെത്തും.