ഒരിടവേളയ്ക്ക് ശേഷം പുതിയ ചിത്രവുമായി സംവിധായകൻ ഷാഫി എത്തുന്നു. ആനന്ദം പരമാനന്ദം എന്ന് പേരിട്ടിരിക്കുന്ന ചിത്രത്തിന്റെ രചന നിർവഹിക്കുന്നത് എം.സിന്ധുരാജാണ്. ചിത്രത്തിന്റെ ടൈറ്റിൽ പ്രകാശനം മെഗാസ്റ്റാർ മമ്മൂട്ടി നിർവഹിച്ചു.
ക്ലീൻ ഫാമിലി ഹ്യുമർ എന്റർടൈനറാണ് ചിത്രമൊരുക്കുന്നത്. സപ്തതരംഗ് ക്രിയേഷൻസിന്റെ ബാനറിൽ ഒ.പി. ഉണ്ണികൃഷ്ണൻ, സന്തോഷ് വള്ളക്കാലിൽ, പി.എസ്.പ്രേമാനന്ദൻ, ജയ ഗോപാൽ, കെ.മധു എന്നിവർ ചേർന്നാണ് ചിത്രം നിർമിക്കുന്നത്.
ഇന്ദ്രൻസും ഷറഫുദ്ദീനും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിൽ "തിങ്കളാഴ്ച നിശ്ചയം ഫെയിം' അനഘ നാരായണനാണ് നായിക. അജു വർഗീസും ബൈജുവും മറ്റു രണ്ടു പ്രധാന കഥാപാത്രങ്ങളെ അവതരിപ്പിക്കുന്നു.
ഗോവിന്ദ് പൈ, സാമിഖ്, കൃഷ്ണചന്ദ്രൻ, വനിത കൃഷ്ണചന്ദ്രൻ, നിഷാ സാരംഗ്, എന്നിവരും ചിത്രത്തിലെ പ്രധാന താരങ്ങളാണ്. മനു മഞ്ജിത്ത് എഴുതുന്ന പാട്ടുകൾക്ക് സംഗീതം നൽകുന്നത് ഷാൻ റഹ്മാനാണ്. മനോജ് പിള്ളയാണു ഛായാഗ്രാഹകൻ. എഡിറ്റിംഗ് - വി. സാജൻ.
കൊല്ലങ്കോടും പരിസരങ്ങളിലുമായി ചിത്രീകരിക്കുന്ന ചിത്രം സപ്ത തരംഗ് റിലീസ് പ്രദർശനത്തിനെത്തിക്കും.
ഷാഫി-സിന്ധുരാജ് കൂട്ടുകെട്ടിൽ "ആനന്ദം പരമാനന്ദം'
04:18 PM Sep 04, 2022 | Deepika.com