വീണ്ടും അച്ഛനാകാന് ഒരുങ്ങുന്ന സന്തോഷം ആരാധകരുമായി പങ്കുവച്ച് നടന് നരേന്. താരത്തിന്റെ 15-ാം വിവാഹവാര്ഷിക ദിനത്തിലാണ് സന്തോഷവാര്ത്ത പുറത്തുവിട്ടത്. ഭാര്യ മഞ്ജുവിനൊപ്പം സ്കാനിംഗ് റിപ്പോര്ട്ടിന്റെ ചിത്രവും പങ്കുവച്ചാണ് നരേന് സന്തോഷം അറിയിച്ചത്.
പതിനഞ്ചാം വിവാഹവാര്ഷികം ആഘോഷിക്കുന്ന ഈ സ്പെഷല് ദിവസം, കുടുംബത്തിലേക്ക് ഒരു പുതിയ അംഗത്തെ കൂടി ഞങ്ങള് കാത്തിരിക്കുകയാണെന്ന സന്തോഷം പങ്കുവയ്ക്കാന് ആഗ്രഹിക്കുന്നു,' നരേന് സമൂഹമാധ്യമത്തില് കുറിച്ചു.
2007-ല് വിവാഹിതരായ നരേനും മഞ്ജു ഹരിദാസിനും തന്മയ എന്നൊരു മകള് കൂടിയുണ്ട്. 14 വയസുകാരിയാണ് തന്മയ. സത്യന് അന്തിക്കാടിന്റെ അച്ചുവിന്റെ അമ്മ എന്ന ചിത്രത്തിലൂടെ മലയാള സിനിമയില് നായകനായി അരങ്ങേറ്റം കുറിച്ച നരേന് പിന്നീട് തമിഴിലും തിരക്കേറിയ നടനായി മാറി. സൂപ്പര് ഹിറ്റ് ചിത്രം കൈതിയിലും വിക്രത്തിലും ശക്തമായ കഥാപാത്രത്തെയാണ് നടന് അവതരിപ്പിച്ചത്.
15-ാം വിവാഹവാര്ഷികത്തില് അച്ഛനാകുന്ന സന്തോഷം പങ്കുവച്ച് നരേന്
10:06 AM Aug 29, 2022 | Deepika.com