വിക്രം നായകനായി എത്തുന്ന കോബ്രയുടെ ട്രെയിലര് പുറത്തിറങ്ങി. ആക്ഷന് മാസ് രംഗങ്ങളും പ്രണയവും പകയും പ്രതികാരവുമെല്ലാം ചിത്രത്തിന്റെ ട്രെയിലറില് കാണാം. അജയ് ജ്ഞാനമുത്തുവാണ് ചിത്രത്തിന്റെ സംവിധായകൻ.
മുന് ഇന്ത്യന് ക്രിക്കറ്റ് താരം ഇര്ഫാന് പത്താന് ആദ്യമായി അഭിനയിക്കുന്ന ചിത്രം കൂടിയാണ് കോബ്ര. ഗംഭീര ലുക്കിലാണ് താരമെത്തുന്നത്.കെ.ജി.എഫിലൂടെ ശ്രദ്ധേയയായ ശ്രീനിധി ഷെട്ടിയാണ് നായിക.
റോഷന് മാത്യു, മാമുക്കോയ, മിയ ജോര്ജ്,റോബോ ശങ്കര്, കെ.എസ്. രവികുമാര്, ആനന്ദ് രാജ്, മൃണാളിനി ദേവി, മീനാക്ഷി ഗോവിന്ദരാജന് എന്നിവരാണ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഡിമോണ്ടി കോളനി, ഇമൈക്ക നൊടികള് എന്നീ ചിത്രങ്ങള്ക്ക് ശേഷം അജയ് ജ്ഞാനമുത്തു തിരക്കഥയെഴുതി സംവിധാനം ചെയ്യുന്ന ചിത്രമാണ് കോബ്ര .
സംഗീതം എ.ആർ.റഹ്മാൻ. ഹരീഷ് കണ്ണൻ ഛായഗ്രഹണം നിർവഹിക്കുന്നു. ഭുവൻ ശ്രീനിവാസൻ എഡിറ്റിംഗ് നിർവഹിക്കുന്നു.