സിനിമ നിരൂപകരില് ചിലര് വാടക ഗുണ്ടകളെപോലെയാണെന്ന് സംവിധായകന് ലാല് ജോസ്. പുതിയ ചിത്രം സോളമന്റെ തേനീച്ചകളുമായി ബന്ധപ്പെട്ടു ദുബായില് നടത്തിയ വാര്ത്ത സമ്മേളനത്തില് സംസാരിക്കുകയായിരുന്നു അദ്ദേഹം.
സാമൂഹിക മാധ്യമങ്ങളിലാണ് കൂടുതലും ഇത്തരം പ്രവണതകള് കണ്ടുവരുന്നത്. ഫോളേവേഴ്സുള്ള ചില യൂട്യൂബ് ചാനലുകാര് പണം കൊടുത്താല് മാത്രമാണ് സിനിമയെക്കുറിച്ച് പറയുകയുള്ളു. പണം നല്കിയില്ലെങ്കില് കൊള്ളില്ലെന്ന് പറയുന്നവരുമുണ്ട്. അതേ സമയം നല്ല രീതിയില് തന്നെ നിരൂപണം നടത്തുന്നവരും ഒരുപാടുണ്ട്.
പണ്ട് സിനിമ കാണാനെത്തുന്നവര് ചിത്രം നല്ലതെന്നോ മോശമെന്നോ മാത്രമാണ് പറയുക. എന്നാല് ഇന്ന് അങ്ങനെയല്ല. എല്ലാവരും സിനിമയെ കുറിച്ച് കൂടുതല് സംസാരിക്കുന്നു. ആംഗിളിനെക്കുറിച്ചും എഗിറ്റിംഗിനെക്കുറിച്ചും സംസാരിക്കുന്നു. ഇത്തരക്കാരെ മുന്നില് കണ്ടാണ് താനിപ്പോള് സിനിമ ചെയ്യുന്നത്. അദ്ദേഹം പറഞ്ഞു.18നാണ് ലാല് ജോസ് ചിത്രം സോളമന്റെ തേനീച്ചകള് തിയറ്ററില് റിലീസായത്.
സിനിമ നിരൂപകരിൽ ചിലർ വാടക ഗുണ്ടകളെപോലെയാണ്: ലാൽ ജോസ്
11:24 AM Aug 26, 2022 | Deepika.com