ശോഭയാത്ര പാര്‍ട്ടി അതീതമായി നടക്കുന്ന ഒന്നല്ലെന്നും അതിലൊരിക്കലും രാഷ്ട്രീയം കാണരുതെന്നും നടി അനുശ്രീ. അമ്പലത്തിലെ എത് പരിപാടിക്കും മുന്നില്‍ നില്‍ക്കുന്ന ആളാണ് താനെന്നും വിമര്‍ശനങ്ങളെ ഭയന്നല്ല ശോഭയാത്രയിൽ ഇത്തവണ വേഷം അണിയാതിരുന്നതെന്നും താരം പറഞ്ഞു. കമുകുംചേരിയില്‍ നടന്ന ശ്രീകൃഷ്ണജയന്തി ആഘോഷത്തില്‍ പങ്കെടുത്ത് സംസാരിക്കുകയായിരുന്നു അനുശ്രീ.
കൃഷ്ണനായും മുരുകനായും ഗണപതിയായും ഞാന്‍ വേഷമിട്ടിട്ടുണ്ട്. ശരീരം വളരുന്നതിനനുസരിച്ച് ആ സമയത്ത് ഇണങ്ങുന്നത് ഏത് വേഷമാണോ അത് ഞാന്‍ അണിഞ്ഞു വരാറുണ്ട്. ഇത്തവണ ചേട്ടന്‍റെ കുഞ്ഞ് കൃഷ്ണനായി എത്തി. ആദ്യമായാണ് അവന്‍ കൃഷ്ണവേഷം കെട്ടുന്നത്. അതുകൊണ്ട് അവനാണ് ഞങ്ങളുടെ താരം.
വിമര്‍ശനങ്ങളെ പേടിച്ചല്ല ഇത്തവണ ഞാന്‍ വേഷം അണിയാതിരുന്നത്. അങ്ങനെയെങ്കില്‍ കാവി അണിഞ്ഞ് വരില്ലല്ലോ. അനുശ്രീ കൂട്ടിച്ചേര്‍ത്തു. ശ്രീകൃഷ്ണ ജയന്തിയോടനുബന്ധിച്ച് നടത്തിയ നടിയുടെ ഫോട്ടോഷൂട്ട് ചിത്രങ്ങള്‍ സമൂഹമാധ്യമങ്ങളില്‍ വൈറലായിരുന്നു.