മുംബൈ നഗരത്തിലൂടെ സ്ലോമോഷനില് നടക്കുന്ന ദിലീപിന്റെ വീഡിയോകളാണ് ഇപ്പോള് സമൂഹമാധ്യമങ്ങളില് വൈറലായിരിക്കുന്നത്. പത്ത് മാസത്തെ നീണ്ട ഇടവേളക്ക് ശേഷം പുനരാരംഭിച്ച വോയിസ് ഓഫ് സത്യനാഥന് എന്ന ചിത്രത്തിന്റെ ഷൂട്ടിംഗനായാണ് താരം മുംബൈയിലെത്തിയത്.
ദിലീപ് റാഫി കൂട്ടുകെട്ടില് ഒരുങ്ങുന്ന ഈ ചിത്രത്തിന്റെ ഷൂട്ടിംഗ് കഴിഞ്ഞ വര്ഷം ഒക്ടോബറില് കൊച്ചിയില് ആരംഭിച്ചിരുന്നെങ്കിലും ഇടയ്ക്കു വച്ച് താല്ക്കാലികമായി നിര്ത്തിവച്ചിരുന്നു. ബാദുഷ സിനിമാസിന്റെയും ഗ്രാന്റ് പ്രൊഡക്ഷന്സിന്റെയും ബാനറില് എന്.എം ബാദുഷ, ദിലീപ്, ഷിനോയ് മാത്യു,പ്രിജിന് ജെ.പി എന്നിവര് ചേര്ന്നാണ് നിര്മിക്കുന്നത്.
ചിത്രത്തിനായി കഥയും തിരക്കഥയും സംഭാഷണവും ഒരുക്കുന്നത് റാഫി തന്നെയാണ്. ജോജു ജോര്ജ്, സിദ്ധിഖ്, ജോണി ആന്റണി, വീണ നന്ദകുമാര് തുടങ്ങിയവരും പ്രധാന വേഷത്തില് എത്തുന്നു. ജിതിൻ സ്റ്റാനിലസ് ഛായഗ്രഹണവും ജസ്റ്റിൻ വർഗീസ് സംഗീതവും നിർവഹിക്കുന്നു. എഡിറ്റിംഗ് ഷമീർ മുഹമ്മദ്.
മുംബൈ നഗരത്തിലൂടെ ദിലീപ്; വീഡിയോ
10:43 AM Aug 08, 2022 | Deepika.com