എബ്രിഡ് ഷൈന് സംവിധാനം ചെയ്ത മഹാവീര്യര് സിനിമയുടെ ക്ലൈമാക്സ് മാറ്റി ചിത്രത്തിന്റെ അണിയറപ്രവര്ത്തകര്. അവസാന ഭാഗത്ത് പ്രേക്ഷകന് വന്ന ചെറിയൊരു ആശയക്കുഴപ്പം നീക്കുവാനാണ് ക്ലൈമാക്സ് ഭാഗത്ത് മാറ്റം വരുത്തിയത്. നിവിന് പോളി, ആസിഫ് അലി എന്നിവര് കേന്ദ്രകഥാപാത്രങ്ങളെ അവതരിപ്പിക്കുന്ന ചിത്രം ആരാധകര് ഏറ്റെടുത്തു കഴിഞ്ഞു.
സാഹിത്യകാരന് എം. മുകുന്ദന്റെ കഥയാണ് പുനരാവിഷ്കരിച്ച് സിനിമയാക്കിയിരിക്കുന്നത്. ടൈം ട്രാവലും ഫാന്റസിയും കോടതിയും നിയമങ്ങളുമാണ് ചിത്രത്തിന്റെ പ്രമേയം. ചന്ദ്രു സെല്വരാജ് ഛായാഗ്രഹണം നിര്വഹിച്ചിരിക്കുന്ന ചിത്രത്തിന് ഇഷാന് ചാബ്ര സംഗീതവും പശ്ചാത്തല സംഗീതവും ഒരുക്കിയിരിക്കുന്നു.
ചിത്രസംയോജനം മനോജ്, ശബ്ദ മിശ്രണം വിഷ്ണു ഗോവിന്ദ്, ശ്രീ ശങ്കര്, കലാ സംവിധാനം അനീസ് നാടോടി, വസ്ത്രാലങ്കാരം ചന്ദ്രകാന്ത്, മെല്വി. ജെ, ചമയം ലിബിന് മോഹനന്, മുഖ്യ സഹ സംവിധാനം ബേബി പണിക്കര്.
മഹാവീര്യര് സിനിമയുടെ ക്ലൈമാക്സ് മാറ്റി; ഇനിയെത്തുക മാറ്റം വരുത്തിയ ചിത്രം
03:13 PM Jul 30, 2022 | Deepika.com