പൃഥ്വിരാജിന്റെ സൂപ്പര്ഹിറ്റ് ചിത്രം കടുവ ഇനി ഒടിടയില് ആസ്വദിക്കാം. ഷാജി കൈലാസ് സംവിധാനം ചെയ്ത കടുവ ഒടിടി പ്ലാറ്റ്ഫോമായ പ്രൈം വീഡിയോയിലായിരിക്കും സ്ട്രീമിംഗ് നടത്തുക. ഏറെ നാളത്തെ നിയമപോരാട്ടങ്ങള്ക്കൊടുവിലായിരുന്നു ചിത്രം തിയറ്ററില് റിലീസ് ചെയ്തത്.
പൃഥ്വിരാജ് അവതരിപ്പിക്കുന്ന കഥാപാത്രത്തിന്റെ പേരിനെതിരെയായിരുന്നു പരാതി. കടുവാക്കുന്നേല് കുറുവച്ചന് എന്ന പേര് മാറ്റി കടുവക്കുന്നേല് കുര്യച്ചന് എന്നാക്കിയാണ് ചിത്രം റിലീസിനെത്തിയത്. പാലാ സ്വദേശി ജോസ് കുരുവിനാക്കുന്നേല് സമര്പ്പിച്ച ഹര്ജി പരിഗണിച്ച് പേര് മാറ്റാന് ഉത്തരവിടുകയായിരുന്നു.
പൃഥ്വിരാജിനൊപ്പം തന്നെ അതിശക്തമായ വേഷമാണ് വിവേക് ഒബ്റോയ്ക്കും. ഉന്നത പോലീസ് ഉദ്യോഗസ്ഥനായ ഐജി ജോസഫ് ചാണ്ടി എന്ന കഥാപാത്രമാണ് വിവേകിന്റേത്. ഇവര് തമ്മിലുള്ള അതിശക്തമായ ഒരു ഏറ്റുമുട്ടലിന്റെ കഥയാണ് ചിത്രം പറയുന്നത്. ചിത്രത്തില് സംയുക്ത മേനോനാണ് നായിക.
കടുവ നാലിന് ഒടിടിയില്
09:10 AM Jul 30, 2022 | Deepika.com