ഉലകനായന് കമല്ഹാസന് ഒരു ഫിലിം സ്കൂള് തുടങ്ങി സിനിമയും അതുമായി ബന്ധപ്പെട്ട കാര്യത്തിൽ താല്പര്യമുള്ളവര്ക്കും 45-മിനിറ്റ് ക്ലാസ്സ് എടുക്കണമെന്നും സംവിധായകന് അല്ഫോണ്സ് പുത്രന്. ക്രിസ്റ്റഫര് നോളന് ഇടക്ക് വിസിറ്റിംഗ് പ്രൊഫസറായി വരണമെന്നും സമൂഹമാധ്യമത്തില് പങ്കുവച്ച കുറിപ്പില് അദ്ദേഹം പറയുന്നു.
കമല്ഹാസന് സാര് ഒരു ഫിലിം സ്കൂള് തുടങ്ങട്ടെ എന്ന് ഞാന് ദൈവത്തോട് പ്രാര്ത്ഥിക്കുന്നു.അഭിനയത്തിലും സംവിധാനത്തിലും സിനിമയുമായി ബന്ധപ്പെട്ട എന്തിനും താല്പ്പര്യമുള്ള കുട്ടികള്ക്ക് അദ്ദേഹം ദിവസവും 45 മിനിറ്റ് ക്ലാസ് എടുക്കണം.
അദ്ദേഹം ഫിലിം സ്കൂള് തുടങ്ങിയാല് ഭാരതി രാജ സാര്, മണിരത്നം സാര്, ശങ്കര് സാര്, ഫാസില് സാര്, പ്രിയദര്ശന് സാര്, എസ്എസ് രാജമൗലി സാര്, സന്താന ഭാരതി സാര് എന്നിവര് വിസിറ്റിംഗ് പ്രൊഫസര്മാര്മാരായി വരണം.
ഉലകനായകന് പറഞ്ഞാല് ക്രിസ്റ്റഫര് നോളന് സാർ ചലച്ചിത്ര സാങ്കേതിക വിദ്യയിലും എഴുത്തിലും ക്ലാസെടുക്കാന് വരും. വിസിറ്റിംഗ് പ്രൊഫസറായി വന്നാല് മതി. ദൈവത്തിനറിയാം. ഒരു ദിവസം സ്റ്റീവന് സ്പില്ബെര്ഗ് സാറും ജെയിംസ് കാമറൂണ് സാറും പോലും വന്ന് ക്ലാസ്സ് എടുത്തേക്കാം.
'ഇത്രയും സാര്മാരെ ഉപയോഗിച്ചതിന് എന്നോട് ക്ഷമിക്കണം. പലര്ക്കും ഇത് വിഡ്ഢിത്തമായി തോന്നാം.പക്ഷെ അവര് അവരുടെ സിനിമകളിലൂടെ എന്റെ വെര്ച്വല് ഫിലിം പ്രൊഫസര്മാരാണ്. അല്ഫോണ്സ് പുത്രന് കുറിച്ചു.
കമല് ഹാസന് ഒരു ഫിലിം സ്കൂള് തുടങ്ങണം; അല്ഫോണ്സ് പുത്രന്
03:39 PM Jul 29, 2022 | Deepika.com