പൃഥ്വിരാജ് പ്രൊഡക്ഷന്സ് ആരംഭിച്ചിട്ട് അഞ്ചു വര്ഷം കഴിഞ്ഞ സന്തോഷം പങ്കു വച്ച് സുപ്രിയ മേനോന്. എല്ലാവരോടും നന്ദിയും സ്നേഹവും കടപ്പാടുമാണുള്ളതെന്ന് താരം സമൂഹമാധ്യമങ്ങളില് പങ്കുവച്ചു. നിര്മിച്ച പടങ്ങളെല്ലാം കൂടി ചേര്ത്ത വീഡിയോ പങ്കുവച്ചാണ് താരം സന്തോഷം അറിയിച്ചത്.
തുടര്ന്നും എല്ലാവരുടെയും സഹകരണം പ്രതീക്ഷിക്കുന്നുവെന്നും സുപ്രിയ പറയുന്നു. 2017- ജൂലൈ 21-നാണ് പൃഥ്വിരാജ് പ്രൊഡക്ഷന്സ് എന്ന നിര്മാണ കമ്പനി തുടങ്ങിയത്. 9 എന്ന ചിത്രം നിര്മിച്ചുകൊണ്ടായിരുന്നു കന്പനി ആളുകളിലേക്കെത്തിയത്. ശേഷം നിരവധി ഹിറ്റ് ചിത്രങ്ങളുടെ ഭാഗമായി.
തൊട്ടതെല്ലാം പൊന്നാക്കുന്നു എന്ന സവിശേഷണത്തിന് കൂടി പൃഥ്വിരാജ് പ്രൊഡക്ഷന്സ് അര്ഹരാകുന്നുണ്ട്. ഇതരഭാഷ ചിത്രങ്ങളും മലയാള ചിത്രങ്ങളും പ്രേക്ഷകരിലേക്ക് എത്തിക്കുന്നതില് വലിയ പങ്കുവഹിക്കുന്നുണ്ട് പൃഥ്വിരാജിന്റെയും സുപ്രിയയുടെയും ഉടമസ്ഥതയിലുള്ള കമ്പനി.
കടുവ ആണ് ഈയടുത്തിറങ്ങിയ പൃഥ്വിരാജ് പ്രൊഡക്ഷന്സ് ചിത്രം. ഡ്രൈവിംഗ് ലൈസന്സ്, കുരുതി,ജനഗണമന എന്നിവയാണ് ഇതു കൂടാതെയുള്ള ചിത്രങ്ങള്. അല്ഫോണ്സ് പുത്രന് സംവിധാനം ചെയ്യുന്ന ഗോള്ഡ്, കുമാരി, ഡ്രൈവിംഗ് ലൈസന്സിന്റെ ഹിന്ദി റിമേക്ക് സെല്ഫി എന്നിവയാണ് നിര്മാണത്തിലിരിക്കുന്ന ചിത്രങ്ങള്.
അഞ്ചാം വർഷത്തിലേക്ക് പൃഥ്വിരാജ് പ്രൊഡക്ഷന്സ്; സന്തോഷം പങ്കുവച്ച് സുപ്രിയ
11:23 AM Jul 21, 2022 | Deepika.com