സംഭാഷണങ്ങള് ഒന്നുമില്ലാതെ ഒരു മലയാളം സിനിമ പുറത്തിറങ്ങുന്നു. സംഭാഷണത്തിന് പകരമായി ശക്തമായ പശ്ചാത്തലസംഗീതമാണ് ഒരുക്കിയിരിക്കുന്നത്. ചിത്രത്തിന്റെ ട്രെയിലര് പുറത്തിറങ്ങി.
സംഭാഷണമില്ലെങ്കിലും സസ്പെന്സും ത്രില്ലറും നിറഞ്ഞ ചിത്രം തിരക്കഥയെഴുതി സംവിധാനം ചെയ്യുന്നത് അശോക് നായരാണ്. ഭഗത് മാനുവല്, ഹിമ ശങ്കരി, വൈഗ, വിനോദ് കുമാര്, സുമേഷ് സുരേന്ദ്രന്, ബേബി വേദിക എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
ഇന്ത്യയിലെ എല്ലാ ഭാഷകളിലും ചിത്രം നിർമിക്കുന്നുണ്ട്.ഡബ്ല്യൂജെ പ്രൊഡക്ഷന്സിന്റെ ബാനറില് ജോബി മാത്യുവാണ് ചിത്രം നിര്മിക്കുന്നത്. എസ്.ബി. പ്രജിത് ഛായാഗ്രാഹണം നിര്വഹിക്കുന്ന ചിത്രത്തിന്റെ സംഗീതം ഒരുക്കുന്നത് അരുണ് രാജാണ്.