ഞെട്ടിക്കുന്ന വെളിപ്പെടുത്തല് എന്ന തലക്കെട്ടോടെ വാര്ത്ത നല്കിയ ഓണ്ലൈന് മീഡിയായെ വിമര്ശിച്ച് നടി മാലാ പാര്വതി. നടിയുടെ ഒരു അഭിമുഖത്തില് നിന്നുമുള്ള സംഭാഷണ ശകലങ്ങള് മാറ്റിയെഴുതി വാര്ത്ത നല്കിയ മാധ്യമത്തിനെതിരെയാണ് നടി സമൂഹമാധ്യമം വഴി കുറിപ്പ് പങ്കു വച്ചിരിക്കുന്നത്. [
താന് ഞെട്ടിക്കുന്ന വെളിപ്പെടുത്തലുകളൊന്നും നടത്തിയിട്ടില്ലെന്നും തമ്പ് നെയില് എഴുതുന്നവര് കുറച്ചുകൂടി വിശ്വാസ്യത തോന്നുന്ന തലക്കെട്ടുകള് കൊടുക്കണമെന്നും താരം പറഞ്ഞു.
മാലാ പാര്വതിയുടെ വാക്കുകള്
അച്ഛന് മരിച്ചപ്പോള്, ഞാന് മരിച്ചു എന്ന് ചില ഓണ്ലൈന് മീഡിയ എഴുതി. അത് എന്നെ മാത്രം ബാധിക്കുന്ന കാര്യമായിരുന്നു. എന്നാല് മറ്റൊരു ഓണ്ലൈന് മീഡിയയില് മറ്റൊരു തമ്പ് നെയില് ശ്രദ്ധയില്പ്പെട്ടു.
ഒരു നടന് നേരെയും, ' ഞെട്ടിക്കുന്ന വെളിപ്പെടുത്തല്' ഞാന് നടത്തിയിട്ടില്ല. മോശമായി സ്പര്ശിച്ചാല് എത്ര വേണമെങ്കിലും കിട്ടുമെന്ന് ഒരു നടനും പറഞ്ഞിട്ടില്ല. എന്റെ ഒരു ഇന്റര്വ്യൂ ആസ്പദമാക്കിയാണ് വാര്ത്ത.
എന്നാല് പറയാന് ഒരു മസാല തലക്കെട്ട് കൈയ്യില് കിട്ടിയതോടെ, ഇന്റർവ്യൂ ശ്രദ്ധിച്ചില്ല എന്ന് തോന്നുന്നു. ഒരിക്കല് കൂടി വ്യക്തമാക്കട്ടെ. ഞാന് ആരെക്കുറിച്ചും ഒന്നും പറഞ്ഞ്,ആരെയും ഞെട്ടിച്ചിട്ടില്ല. ജീവിക്കാനായി തമ്പ് നെയില് എഴുതുന്നവര്, അല്പം കൂടെ വിശ്വസിക്കുന്ന തമ്പ് നെയില് എഴുതണം.
തലക്കെട്ടുകള് നല്കുമ്പോള് വിശ്വാസ്യത തോന്നുന്നവ കൊടുക്കാന് ശ്രമിക്കുക-വ്യാജ തലക്കെട്ടിനെതിരെ മാലാ പാര്വതി
12:16 PM Jul 07, 2022 | Deepika.com