ധ്യാൻ ശ്രീനിവാസൻ നായകനാകുന്ന "സ്വർഗത്തിലെ കട്ടുറുമ്പ്' എന്ന ചിത്രത്തിന്റെ ചിത്രീകരണം ഇടുക്കിയിലെ കുട്ടമ്പുഴ ഗ്രാമത്തിൽ ആരംഭിച്ചു. ചിത്രത്തിൽ അധ്യാപകനായാണ് ധ്യാൻ വേഷമിടുന്നത്. മൈന ക്രിയേഷൻസിന്റെ ബാനറിൽ ജസ്പാൽ ഷൺമുഖൻ സംവിധാനം ചെയ്യുന്ന ചിത്രം നിർമിക്കുന്നത് ശിവൻകുട്ടനും കെ.എൻ. വിജയകുമാറും ചേർന്നാണ്.
ശിവൻകുട്ടൻ വടയമ്പാടിയുടെ കഥയ്ക്ക് തിരക്കഥയും സംഭാഷണവും ഒരുക്കുന്നത് വിജു രാമചന്ദ്രനാണ്. ഗായത്രി അശോക് നായികയാകുന്ന ചിത്രത്തിന്റെ സംഗീതം ബിജിപാൽ നിർവഹിക്കുന്നു.
ജോയി മാത്യു, കോബ്രാ രാജേഷ്, രാജേഷ് പറവൂർ, നിർമൽ പാലാഴി, ജയകൃഷ്ണൻ, ശിവൻകുട്ടൻ കെ.എൻ, സുധി കൊല്ലം, ടോണി, മനോഹരി ജോയി തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ.
"സ്വർഗത്തിലെ കട്ടുറുമ്പ്' തുടങ്ങി; ധ്യാൻ ശ്രീനിവാസൻ നായകൻ
03:39 PM May 04, 2022 | Deepika.com