"ഒറ്റക്കൊമ്പൻ' എന്ന ചിത്രത്തിൽ നിന്ന് ലഭിച്ച അഡ്വാൻസിൽ നിന്ന് രണ്ട് ലക്ഷം രൂപ മിമിക്രി കലാകാരന്മാരുടെ സംഘനക്ക് നൽകി സുരേഷ് ഗോപി. തന്റെ പുതിയ സിനിമകളുടെ അഡ്വാൻസിൽ നിന്നും രണ്ട് ലക്ഷം രൂപ മിമിക്ര കലാകാരന്മാരുടെ സംഘടനയ്ക്ക് നൽകുമെന്ന നടന്റെ വാക്ക് പാലിച്ചതിന്റെ സന്തോഷം പങ്കുവയ്ക്കുകയാണ് ടിനി ടോം. പറഞ്ഞാൽ പറഞ്ഞത് പോലെ ചെയ്യുന്ന സുരേഷേട്ടൻ ഒരു അത്ഭുതമാണ് എന്നും മിമിക്രി ആർട്ടിസ്റ്റ് അസോസിയേഷനായ 'മാ'സംഘടനയിലെ ഒരംഗമെന്ന നിലയിൽ അങ്ങയെ ഹൃദയത്തോട് ചേർത്തു വയ്ക്കുന്നു എന്നും ടിനി ടോം സോഷ്യൽ മീഡിയയിൽ കുറിച്ചു.
പോസ്റ്റിന്റെ പൂർണരൂപം
വാക്കും പ്രവൃത്തിയും തമ്മിൽ തൃശൂർ പൂരത്തിന് കണ്ട ഭാവം പോലും പ്രകടിപ്പിക്കാത്ത 'പ്രസംഗ' സ്വഭാവമുള്ള പലർക്കുമിടയിൽ, പറഞ്ഞാൽ പറഞ്ഞത് പോലെ ചെയ്യുന്ന സുരേഷേട്ടൻ ഒരു അത്ഭുതമാണ്...'മാ' സംഘടനയിലെ ഒരംഗമെന്ന നിലയിൽ അങ്ങയെ ഹൃദയത്തോട് ചേർത്തു വയ്ക്കുന്നു..
ഞങ്ങളുടെയൊക്കെ ചങ്കല്ല, ചങ്കിടിപ്പാണ് സുരേഷേട്ടൻ...വലിയ നന്ദി.. ദി റിയൽ ഹീറോ, യഥാർത്ഥ നായകൻ സുരേഷ് ഗോപി വാഗ്ദാനം ചെയ്ത, 'ഒറ്റക്കൊമ്പൻ' സിനിമയുടെ അഡ്വാൻസ് തുകയിൽ നിന്ന് സുരേഷേട്ടൻ വീണ്ടും മിമിക്രി ആർട്ടിസ്റ്റ് അസോസിയേഷന് (മാ) രണ്ട് ലക്ഷം രൂപ കൈമാറി.
"ഞങ്ങളുടെയൊക്കെ ചങ്കല്ല, ചങ്കിടിപ്പാണ് സുരേഷേട്ടൻ'
07:54 PM Apr 25, 2022 | Deepika.com