കിരണ്സ് പ്രൊഡക്ഷൻസിന്റെ ബാനറിൽ സുജിത് എസ് നായർ രചനയും സംവിധാനവും നിർവഹിച്ച് ആഷിൻ കിരണ് നിർമിക്കുന്ന രാഘവേട്ടന്റെ പതിനാറും രാമേശ്വരയാത്രയും എന്ന ചിത്രത്തിന്റെ പൂജയും ചിത്രീകരണവും തിരുവനന്തപുരത്ത് ആരംഭിച്ചു.
ഒരു മരണം നടന്ന ശേഷം ആ വീട്ടിൽ നടക്കുന്ന മറ്റൊരു അപകടം ഹാസ്യത്തിൽ അവതരിപ്പിക്കുന്ന മുഴുനീള കോമഡി എന്റർടെയ്നറാണ് രാഘവേട്ടന്റെ 16 ഉം രാമേശ്വരയാത്രയും.
രഞ്ജി പണിക്കർ, ഇന്ദ്രൻസ്, സുരാജ് വെഞാറമൂട്, സുധീർ കരമന, എം എ നിഷാദ്, വിനോദ് കോവൂർ, സിനോജ് വർഗീസ്, ഗോപു കിരണ്, അരിസ്റ്റോ സുരേഷ്, നെൽസണ്, നോബി, ജയകുമാർ, ഷിബു ലബാൻ, ആറ്റുകാൽ തന്പി, സുനിൽ വിക്രം, ദ്രുപത് പ്രദീപ്, ശിവമുരളി, സുധീഷ് കാലടി, സേതുലക്ഷമി, അപർണ, ലക്ഷ്മി, ആഷിൻ കിരണ്, മഞ്ജു പത്രോസ്, ബിന്ദു പ്രദീപ് എന്നിവർ അഭിനയിക്കുന്നു.
സിനുസാഗർ ആണ് ചിത്രത്തിന് സംഭാഷണമെഴുതുന്നത്. സംഗീതം റോണി റാഫേൽ. തിരുവനന്തപുരവും രാമേശ്വരവുമാണ് ലൊക്കേഷനുകൾ.
മരണവീട്ടിലെ തമാശകൾ! രാഘവേട്ടന്റെ പതിനാറും രാമേശ്വരയാത്രയും തുടങ്ങി
03:52 PM Mar 31, 2022 | Deepika.com