ഐഎസ്എല് കലാശപ്പോരാട്ടത്തിന് സാക്ഷിയാകുവാൻ സ്റ്റേഡിയത്തിൽ മോഹൻലാലും. ഹൈദരാബാദ് എഫ്സിയുമായുള്ള ബ്ലാസ്റ്റേഴ്സിന്റെ ഫൈനല് മത്സരം ഗോവ ഫറ്റോര്ഡയിലെ ജവഹര്ലാല് നെഹ്രു സ്റ്റേഡിയത്തിലാണ്. സ്റ്റേഡിയത്തിൽ മോഹൻലാൽ സുഹൃത്ത് സമീറിനൊപ്പം നിൽക്കുന്ന ചിത്രം സോഷ്യൽ മീഡിയയിൽ വൈറലാണ്.
നേരത്തെ കേരള ബ്ലാസ്റ്റേഴ്സിന് ഫേസ്ബുക്കിലൂടെ മോഹൻലാൽ ആശംസകൾ നേർന്നിരുന്നു. 'ആവേശത്തിരയിൽ കേരളം നിറഞ്ഞാടുമ്പോൾ, മലയാള മനസ്സുകളിൽ പ്രതീക്ഷയുടെ കാൽപ്പന്തുരുളുമ്പോൾ, മഞ്ഞപ്പടയുടെ വിജയത്തിനായി, ജനകോടികൾക്കൊപ്പം, പ്രാർത്ഥനയോടെ, ആശംസകളോടെ...', എന്നാണ് മോഹൻലാൽ കുറിച്ചത്. മമ്മൂട്ടിയും ബ്ലാസ്റ്റേഴ്സിന് ആശംസയുമായി എത്തിയിരുന്നു.
'കാൽപ്പന്തിന്റെ ഇന്ത്യൻ നാട്ടങ്കത്തിൽ കേരള ദേശം പോരിനിറങ്ങുമ്പോൾ ലോകമെങ്ങുമുള്ള മലയാളികളെപ്പോലെ ഞാനും ഒപ്പമുണ്ട്. ഇന്നത്തെ രാവ് നമുക്ക് ആഹ്ലാദത്തിന്റേതാകട്ടെ... പതിനൊന്ന് ചുണക്കുട്ടികളുടെ പടയോട്ടത്തിനായി കാത്തിരിക്കുന്നു.. കേരള ബ്ലാസ്റ്റേഴ്സ് ടീമിന് വിജയാശംസകൾ...', എന്നാണ് മമ്മൂട്ടി കുറിച്ചത്.
ബ്ലാസ്റ്റേഴ്സിന് ആവേശമായി സ്റ്റേഡിയത്തിൽ മോഹൻലാൽ
07:55 PM Mar 20, 2022 | Deepika.com