ദേ​വ​രാ​ഗ​ങ്ങ​ൾ ഇ​നി​യും ബാ​ക്കി! ഇ​ന്ന് ജി.​ ദേ​വ​രാ​ജ​ന്‍റെ പ​തി​നാ​റാം ച​ര​മ​വാ​ർ​ഷി​കം

രാ​ഗ​ഭാ​വ​ങ്ങ​ൾ കൊ​ണ്ട് ഇ​ന്ദ്ര​ജാ​ലം തീ​ർ​ത്ത സം​ഗീ​ത​സം​വി​ധാ​യ​ക​ൻ ജി.​ദേ​വ​രാ​ജ​ൻ ഈ ​മ​ണ്ണി​ൽ നി​ന്നും വേ​ർ​പി​രി​ഞ്ഞി​ട്ട് ഇ​ന്ന് പ​തി​നാ​റു വ​ർ​ഷം. മ​നു​ഷ്യ​മ​ന​സി​ന്‍റെ ഈ​ർ​പ്പ​വും വി​ങ്ങ​ലും ഉ​ന്മാ​ദ​വും ആ​വാ​ഹി​ച്ചെ​ടു​ത്ത ആ ​സം​ഗീ​തം പ​ക്ഷെ, മ​ല​യാ​ള നെ​ഞ്ചോ​ട് ഒ​ട്ടി​ച്ചേ​ർ​ന്ന് ത​ന്നെ നി​ൽ​ക്കു​ക​യാ​ണ്.

എ​ത്ര പ​റ​ഞ്ഞാ​ലും തീ​രാ​ത്ത ആ​ഴ​ങ്ങ​ളു​ണ്ട് ദേ​വ​രാ​ജ ഗീ​തി​ക​ൾ​ക്ക്. ദേ​വ​രാ​ജ​ൻ മാ​സ്റ്റ​ർ ജീ​വി​ച്ചി​രു​ന്ന കാ​ല​ത്തു ത​ന്നെ ആ ​ഗാ​ന​ങ്ങ​ൾ ആ​ഘോ​ഷി​ക്ക​പ്പെ​ട്ടി​രു​ന്നു. ആ ​ഗാ​ന​ങ്ങ​ളു​ടെ അ​ന​ന്ത​ത​യി​ലേ​ക്കും അ​നു​ഭൂ​തി​ക​ളി​ലേ​ക്കും ആ​സ്വാ​ദ​ക​രും നി​രൂ​പ​ക​രും കൂ​ടു​ത​ൽ സ​ഞ്ച​രി​ക്കു​ന്ന​ത് മാ​സ്റ്റ​റു​ടെ വി​യോ​ഗ​ത്തി​നു ശേ​ഷ​മാ​ണ്.

ജി.​ദേ​വ​രാ​ജ​ന്‍റെ ഗാ​ന​ങ്ങ​ൾ മാ​ത്രം ച​ർ​ച്ച ചെ​യ്യ​പ്പെ​ടു​ന്ന വാ​ട്സ് ഗ്രൂ​പ്പു​ക​ളും ഗാ​ന​ക്കൂ​ട്ടാ​യ്മ​ക​ളും ഇ​ന്നും സ​ജീ​വം. ദേ​വ​രാ​ഗം കൂ​ട്ടാ​യ്മ ഇ​ത്ത​ര​ത്തി​ലൊ​ന്നാ​ണ്. ജി.​ദേ​വ​രാ​ജ​നെ​പ്പോ​ലെ ഗാ​ന​സാ​ഹി​ത്യ​ത്തെ ഇ​ത്ര​മേ​ൽ അ​റി​ഞ്ഞ് ഈ​ണം പ​ക​രു​ന്ന മ​റ്റ് സം​ഗീ​ത സം​വി​ധാ​യ​ക​ർ അ​ധി​ക​മി​ല്ല. നൂ​റു നൂ​റു ഗാ​ന​ങ്ങ​ൾ ഇ​തി​ന് ഉ​ദാ​ഹ​ര​ണ​മാ​യി ചൂ​ണ്ടി​ക്കാ​ട്ടു​വാ​ൻ സാ​ധി​ക്കും.

ഒ​എ​ൻ​വി-​ദേ​വ​രാ​ജ​ൻ കൂ​ട്ടു​കെ​ട്ടി​ന്‍റെ എ​ക്കാ​ല​ത്തേ​യും ഹി​റ്റ് ഗാ​ന​മാ​യ "​അരി​കി​ൽ നീ ​ഉ​ണ്ടാ​യി​രു​ന്നെ​ങ്കിൽ' എ​ന്ന ഗാ​ന​ത്തി​ലെ അ​രി​കി​ൽ എ​ന്ന ഒ​റ്റ​വാ​ക്കി​നു ഏ​റ്റ​വും അ​നു​യോ​ജ്യ​മാ​യ സം​ഗീ​തം ന​ൽ​കു​വാ​ൻ താ​ൻ ദീ​ർ​ഘ​നാ​ൾ പ​രി​ശ്ര​മി​ച്ച ക​ഥ​ക​ൾ മാ​സ്റ്റ​ർ ത​ന്നെ പ​റ​ഞ്ഞി​ട്ടു​ണ്ട്.

ച​ട്ട​ക്കാ​രി എ​ന്ന സി​നി​മ​യി​ലെ "മ​ന്ദ​സ​മീ​ര​നി​ൽ ഒ​ഴു​കി​യൊ​ഴു​കി എ​ത്തും' എ​ന്ന ഗാ​നം ഒ​ഴു​കി​യൊ​ഴു​കി വ​രു​ന്ന​തു​പോ​ലെ ആ​സ്വാ​ദ​ക​ർ​ക്ക് അ​നു​ഭ​വ​പ്പെ​ടു​ന്ന​ത് ഒ​രു ഒ​ഴു​ക്കി​ന്‍റെ അ​നു​ഭ​വം സം​ഗീ​ത​ത്തി​ലൂ​ടെ ദേ​വ​രാ​ജ​ൻ പ​ക​ർ​ന്നുവ​യ്ക്കു​ന്ന​ത് കൊ​ണ്ടു​ത​ന്നെ​യാ​ണ്.

അ​തു​പോ​ലെ "ശ്രീ​കോ​വി​ൽ ചു​മ​രു​ക​ൾ ഇ​ടി​ഞ്ഞു​വീ​ണു' എ​ന്ന ഗാ​ന​ത്തി​ൽ ശ​രി​ക്കു​മൊ​രു പ​ത​ന​ത്തി​ന്‍റെ വേ​ദ​ന അ​നു​ഭ​വി​ച്ചു​ത​ന്നെ അ​റി​യാം.



ഹ​മ്മിം​ഗു​ക​ളു​ടെ രാ​ജാ​വ്

ഗാ​ന​ങ്ങ​ളി​ൽ ഏ​റ്റ​വും ഭം​ഗി​യാ​യി ഹ​മ്മിം​ഗു​ക​ൾ ഉ​പ​യോ​ഗ​പ്പെ​ടു​ത്തു​ന്ന ഒ​രു സം​ഗീ​ത സം​വി​ധാ​യ​ക​ൻ കൂ​ടി​യാ​ണ് ദേ​വ​രാ​ജ​ൻ. "കാ​റ്റ​ടി​ച്ചു കൊ​ടു​ങ്കാ​റ്റ​ടി​ച്ചു', "ക​റു​ത്ത പെ​ണ്ണേ ക​രി​ങ്കു​ഴ​ലി', "ഇ​ന്നെ​നി​യ്ക്കൊ​രു പൊ​ട്ടു കു​ത്താ​ൻ', "ഒ​ന്നാം മാ​നം പൂ​മാ​നം', "പൂ​ന്തേ​ന​രു​വി' തു​ട​ങ്ങി എ​ത്ര​യോ ഗാ​ന​ങ്ങ​ൾ ഉ​ദാ​ഹ​ര​ണ​ങ്ങ​ളാ​ണ്.

ഗാ​ന​ത്തി​ൽ ഗാ​യി​ക​മാ​രു​ടെ ശ​ബ്ദ​ത്തി​നു തു​ല്യ​മാ​യി ഹ​മ്മിം​ഗ് ചേ​ർ​ത്ത് ഒ​രു യു​ഗ്മ​ഗാ​ന​ത്തി​ന്‍റെ അ​നു​ഭ​വ​വും ദേ​വ​രാ​ജ​ൻ തീ​ർ​ത്തി​ട്ടു​ണ്ട്. "കൃ​ഷ്ണ​പ​ക്ഷ കി​ളി ചി​ല​ച്ചു' എ​ന്ന ഹി​റ്റ് ഗാ​നം ശ്ര​ദ്ധി​ച്ചാ​ൽ ഈ ​സ​ത്യം തി​രി​ച്ച​റി​യാം.



സം​ഗീ​ത വി​ശ്വാ​സ​ങ്ങ​ൾ

ഈ​ശ്വ​ര​വി​ശ്വാ​സി അ​ല്ലെ​ങ്കി​ലും സം​ഗീ​ത​ത്തി​ന്‍റെ കാ​ര്യ​ത്തി​ൽ ചി​ല വി​ശ്വാ​സ​ങ്ങ​ളൊ​ക്കെ ജി.​ദേ​വ​രാ​ജ​നു​ണ്ടാ​യി​രു​ന്നു. ബി​ച്ചു തി​രു​മ​ല ര​ചി​ച്ച "ശ്രീ​രാ​മ​ച​ന്ദ്ര​ന്‍റെ അ​രി​കി​ൽ സു​മ​ന്ത്ര​ൻ തെ​ളി​ക്കു​ന്ന തേ​രി​ൽ ..' എ​ന്ന ഗാ​നം ത​ന്നെ എ​ടു​ക്കാം. ബി​ച്ചു തി​രു​മ​ല എ​ഴു​തി​യ ഗാ​നം തു​ട​ങ്ങി​യി​രു​ന്ന​ത് "സു​മ​ന്ത്ര​ൻ തെ​ളി​ക്കു​ന്ന തേ​രി​ൽ' എ​ന്ന വ​രി​യി​ൽ ആ​യി​രു​ന്നു.

"ശ്രീ​രാ​മ​ച​ന്ദ്ര​ന്‍റെ അ​രി​കി​ൽ' എ​ന്ന വ​രി​യി​ൽ ഗാ​നം തു​ട​ങ്ങി​യാ​ൽ ശ്രീ ​എ​ന്ന ഐ​ശ്വ​ര്യ​പ​ദം വ​രു​മ​ല്ലോ എ​ന്നാ​യി മാ​സ്റ്റ​ർ. അ​ങ്ങ​നെ​യാ​ണ് ഗാ​നം "ശ്രീ​രാ​മ​ച​ന്ദ്ര​ന്‍റെ അരികിൽ സു​മ​ന്ത്ര​ൻ തെ​ളി​ക്കു​ന്ന തേ​രി​ൽ' എ​ന്നാ​യി മാ​റി​യ​ത്.



ശ്രീ​കു​മാ​ര​ൻ ത​ന്പി​യു​ടെ ഗാ​ന​ജീ​വി​ത​ത്തി​ന്‍റെ തു​ട​ക്ക​കാ​ല​ത്ത് അ​പ​ശ്രു​തി​ക​ൾ എ​ന്ന് തു​ട​ങ്ങു​ന്ന ഗാ​നം എ​ഴു​തി ദേ​വ​രാ​ജ​ൻ മാ​സ്റ്റ​റി​നു ന​ൽ​കി​യ​പ്പോ​ൾ ഗാ​ന​മെ​ഴു​തി​യ പേ​പ്പ​ർ ചു​രു​ട്ടി ദൂ​രേ​യ്ക്കു വ​ലി​ച്ചെ​റി​ഞ്ഞു മാ​സ്റ്റ​ർ. സി​നി​മ​യു​ടെ ഗാ​ന റെ​ക്കോ​ർ​ഡിം​ഗ് വേ​ള​യി​ൽ സം​ഭ​വി​ച്ച ഇ​ക്കാ​ര്യം ശ്രീ​കു​മാ​ര​ൻ ത​ന്പി ത​ന്നെ പ​റ​ഞ്ഞി​ട്ടു​ണ്ട്. ന​ല്ല വാ​ക്കെ​ഴു​തി തു​ട​ങ്ങൂ എ​ന്നാ​യി​രു​ന്നു മാ​സ്റ്റ​റി​ന്‍റെ ഉ​പ​ദേ​ശം.

രാ​ഗ​ങ്ങ​ളു​ടെ രാ​ജ​ൻ

ക​ർ​ണാ​ട​ക സം​ഗീ​ത രാ​ഗ​ങ്ങ​ളെ ഇ​ത്ര മ​നോ​ഹ​ര​മാ​ക്കി, ല​ളി​ത​മാ​ക്കി ജ​ന​ഹൃ​ദ​യ​ങ്ങ​ളി​ലെ​ത്തി​ച്ച മ​റ്റൊ​രു സം​ഗീ​ത സം​വി​ധാ​യ​ക​നും വേ​റെ​യി​ല്ല. മോ​ഹ​നം രാ​ഗ​ത്തി​ൽ ഏ​റെ വ്യ​ത്യ​സ്ത​മാ​യ എ​ത്ര​യോ സി​നി​മാ ഗാ​ന​ങ്ങ​ളാ​ണ് അ​ദ്ദേ​ഹം സൃ​ഷ്ടി​ച്ച​ത്. "ഗു​രു​വാ​യൂ​ര​ന്പ​ല ന​ട​യി​ൽ..', "സ്വ​ർ​ഗ​പു​ത്രി ന​വ​രാ​ത്രി...', "മ​ഞ്ഞ​ല​യി​ൽ മു​ങ്ങി​ത്തോ​ർ​ത്തി..' തു​ട​ങ്ങി​യ അ​ന​ശ്വ​ര ഗാ​ന​ങ്ങ​ൾ എ​ല്ലാം മോ​ഹ​ന​രാ​ഗ​ത്തി​ൽ ആ​ണ്.



ഏ​റ്റ​വും കൂ​ടു​ത​ൽ ക​ർ​ണാ​ട​ക രാ​ഗ​ങ്ങ​ൾ ച​ല​ച്ചി​ത്ര​ഗാ​ന​ങ്ങ​ളി​ൽ ഉ​പ​യോ​ഗി​ച്ച​തും മാ​സ്റ്റ​ർ ത​ന്നെ. രാ​ഗ​ത്തി​നു പ്രാ​ധാ​ന്യം ന​ൽ​കു​ക എ​ന്ന ല​ക്ഷ്യ​ത്തോ​ടെ​യാ​യി​രു​ന്നി​ല്ല ദേ​വ​രാ​ജ ഗാ​ന​ങ്ങ​ളു​ടെ സൃ​ഷ്ടി. ഗാ​ന​ര​ച​യി​താ​വ് സ്വ​ന്തം ഹൃ​ദ​യ​ത്തി​ൽ പേ​ന മു​ക്കി എ​ഴു​തി​യ വ​രി​ക​ളി​ൽ സം​ഗീ​ത സം​വി​ധാ​യ​ക​ൻ അ​ങ്ങ​നെ ല​യി​ച്ചു ചേ​രു​ന്പോ​ൾ രാ​ഗ സൗ​ന്ദ​ര്യ​ത്തി​ലേ​ക്ക് ഗാ​നം അ​റി​യാ​തെ ചി​റ​ക​ടി​ച്ച​താ​യി​രി​ക്ക​ണം. മോ​ഹ​നം രാ​ഗ​ത്തി​ലെ ത​ന്നെ കാ​യാ​ന്പൂ ക​ണ്ണി​ൽ വി​ട​രും, കേദാർ രാഗത്തിലെ ചക്രവർത്തിനി നിനക്ക്...തു​ട​ങ്ങി​യ ഗാ​ന​ങ്ങ​ൾ എ​ങ്ങ​നെ മ​റ​ക്കാ​നാ​ണ്.

എ​സ്.​ മ​ഞ്ജു​ളാദേ​വി