പു​ൽ​പ്പ​ള്ളി സ​ഹ​ക​ര​ണ ബാ​ങ്ക് : താ​ത്കാ​ലി​ക സെ​ക്ര​ട്ട​റി​യാ​യി ജി​ല്ലാ ബാ​ങ്ക് ഉ​ദ്യോ​ഗ​സ്ഥ​നെ​ത്തും

ക​ൽ​പ്പ​റ്റ: വാ​യ്പ വി​ത​ര​ണ​ത്തി​ൽ ക്ര​മ​ക്കേ​ടു ക​ണ്ടെ​ത്തി​യ​തി​നെ​ത്തു​ട​ർ​ന്നു ജി​ല്ലാ ജോ​യി​ന്‍റ് ര​ജി​സ്ട്രാ​ർ (​ജ​ന​റ​ൽ) സ​ഹ​ക​ര​ണ നി​യ​മ​ത്തി​ലെ വ​കു​പ്പ് 68(1) പ്രകാരം അ​ന്വേ​ഷ​ണ​ത്തി​നു ഉ​ത്ത​ര​വി​ട്ട പു​ൽ​പ്പ​ള്ളി സ​ർ​വീ​സ് സ​ഹ​ക​ര​ണ ബാ​ങ്കി​ൽ താ​ത്കാ​ലി​ക സെ​ക്ര​ട്ട​റി​യാ​യി ഡ​പ്യൂ​ട്ടേ​ഷ​നി​ൽ ജി​ല്ലാ ബാ​ങ്ക് ഉ​ദ്യോ​ഗ​സ്ഥ​നെ​ത്തും.

സെ​ക്ര​ട്ട​റി ആ​റു മാ​സ​ത്തേ​ക്കു അ​വ​ധി​യി​ൽ പ്ര​വേ​ശി​ച്ചി​രു​ന്നു. സെ​ക്ര​ട്ട​റി​യു​ടെ ചു​മ​ത​ല​ വ​ഹി​ക്കാ​ൻ ബാ​ങ്കി​ലെ സീ​നി​യ​ർ ജീ​വ​ന​ക്കാ​ര​ൻ വി​സ​മ്മ​തി​ച്ച സാ​ഹ​ച​ര്യ​ത്തി​ലാ​ണ് ജി​ല്ലാ ബാ​ങ്ക് ഉ​ദ്യോ​ഗ​സ്ഥ​നെ ഡ​പ്യൂ​ട്ടേ​ഷ​നി​ൽ നി​യോ​ഗി​ക്കു​ന്ന​ത്. ഡ​പ്യൂ​ട്ടേ​ഷ​ൻ നി​യ​മ​ന​ത്തി​നു പു​ൽ​പ്പ​ള്ളി സ​ർ​വീ​സ് സ​ഹ​ക​ര​ണ ബാ​ങ്ക് ജി​ല്ലാ ബാ​ങ്കി​നു അ​പേ​ക്ഷ ന​ൽ​കി​യി​രു​ന്നു. അ​ഡ്മി​നി​സ്ട്രേ​റ്റ​ർ ഭ​ര​ണ​ത്തി​ലാ​ണ് ജി​ല്ലാ ബാ​ങ്ക്. പു​ൽ​പ്പ​ള്ളി ബാ​ങ്കി​ന്‍റെ അ​പേ​ക്ഷ അ​ഡ്മി​നി​സ്ട്രേ​റ്റ​റു​ടെ പ​രി​ഗ​ണ​ന​യ്ക്കു വ​ച്ച​ശേ​ഷം ഡ​പ്യൂ​ട്ടേ​ഷ​ൻ നി​യ​മ​ന​കാ​ര്യ​ത്തി​ൽ തീ​രു​മാ​ന​മെ​ടു​ക്കു​മെ​ന്നു ജി​ല്ലാ ബാ​ങ്ക് അ​ധി​കൃ​ത​ർ പ​റ​ഞ്ഞു.

സ​ഹ​ക​ര​ണ നി​യ​മ​ത്തി​ലെ സെ​ക‌്ഷ​ൻ 65 പ്ര​കാ​രം ന​ട​ന്ന അ​ന്വേ​ഷ​ണ​ത്തി​ലാ​ണ് പു​ൽ​പ്പ​ള്ളി ബാ​ങ്കി​ൽ വാ​യ്പ വി​ത​ര​ണ​ത്തി​ൽ ക്ര​മ​ക്കേ​ടു​ക​ൾ ക​ണ്ടെ​ത്തി​യ​ത്. വ​ഴി​വി​ട്ട വാ​യ്പ വി​ത​ര​ണം മൂ​ലം ബാ​ങ്കി​നു​ണ്ടാ​യ ന​ഷ്ട​ത്തി​നു ഉ​ത്ത​ര​വാ​ദി​ക​ളാ​രെ​ന്നു പ​രി​ശോ​ധി​ക്കാനും ബാ​ധ്യ​ത തി​ട്ട​പ്പെ​ടു​ത്താനു​മാ​ണ് സെ​ക്‌ഷ​ൻ 68(1) അ​ന്വേ​ഷ​ണം. സെ​ക‌്ഷ​ൻ 65 അ​ന്വേ​ഷ​ണ റി​പ്പോ​ർ​ട്ടി​ന്‍റെ പ​ശ്ചാ​ത്ത​ല​ത്തി​ൽ പു​ൽ​പ്പ​ള്ളി ബാ​ങ്കി​നു​ള്ള ഫ​ണ്ടിം​ഗ് ജി​ല്ലാ ബാ​ങ്ക് നി​ർ​ത്തി​വ​ച്ചി​രി​ക്ക​യാ​ണ്. താ​ത്കാ​ലി​ക സെ​ക്ര​ട്ട​റി​യാ​യി ജി​ല്ലാ ബാ​ങ്ക് ഉ​ദ്യോ​ഗ​സ്ഥ​ൻ എ​ത്തു​ന്ന​തോ​ടെ ഫ​ണ്ടിം​ഗ് പു​ന​രാ​രം​ഭി​ക്കു​മെ​ന്നാ​ണ് സൂ​ച​ന. വാ​യ്പ വി​ത​ര​ണ​ത്തി​ലെ ക്ര​മ​ക്കേ​ടു​ക​ൾ പു​റ​ത്തു​വ​ന്ന​തി​നെ​ത്തു​ട​ർ​ന്നു നി​ക്ഷേ​പ​ക​ർ ഏ​ക​ദേ​ശം ര​ണ്ടു കോ​ടി രൂ​പ പി​ൻ​വ​ലി​ച്ചി​രു​ന്നു. അ​തേ​സ​മ​യം പു​തി​യ നി​ക്ഷേ​പ​ങ്ങ​ൾ ബാ​ങ്കി​നു ല​ഭി​ക്കു​ന്നു​ണ്ട്.