കൊച്ചി: എറണാകുളം ജില്ലാ ശിശു സംരക്ഷണ യൂണിറ്റിന്റെ നേതൃത്വത്തിൽ സംസ്ഥാന ബാലാവകാശ സംരക്ഷണ കമ്മീഷന്റെ സഹായത്തോടെ കീഴ്മാട് മോഡൽ റെസിഡൻഷൽ സ്കൂളിൽ ഹലോ കമ്മീഷൻ പരിപാടി സംഘടിപ്പിച്ചു. ബാലാവകാശ വാരാചരണത്തിന്റെ മൂന്നാം ദിനത്തിൽ ബാല്യം ചിരിക്കട്ടെ എന്ന പ്രമേയവുമായി സംഘടിപ്പിച്ച പരിപാടിയിൽ കുട്ടികൾക്കു കമ്മീഷൻ മെന്പർ ഡോ. എം.പി. ആന്റണിയുമായി സംവദിക്കാൻ അവസരം ലഭിച്ചു.
കുട്ടികൾക്കെതിരേ നടക്കുന്ന അതിക്രമങ്ങൾ എങ്ങനെ റിപ്പോർട്ട് ചെയ്യാം എന്നു തുടങ്ങി ഒരുപാട് ചോദ്യങ്ങൾ കുട്ടികളിൽ നിന്നുയർന്നു. മാതാപിതാക്കളും അധ്യാപകരും കുട്ടികളും ഒരുപോലെ ബോധവാൻമാരാകുക എന്നതു മാത്രമാണു ബാലാവകാശ ലംഘനങ്ങൾ കുറയ്ക്കുന്നതിനുള്ള മാർഗമെന്ന് ആന്റണി പറഞ്ഞു. ജില്ലാ ശിശു സംരക്ഷണ ഓഫീസർ കെ.ബി. സൈന, ഹയർ സെക്കൻഡറി പ്രിൻസിപ്പൽ കെ.എസ്. ഷീല, സ്കൂൾ ഇൻചാർജ് അമ്മിണി, ജില്ലാ ശിശു സംരക്ഷണ യൂണിറ്റിലെ സോഷ്യൽ വർക്കർ ഷൈനി സ്റ്റീഫൻ എന്നിവർ സംസാരിച്ചു.
കുട്ടികൾക്കെതിരേ നടക്കുന്ന അതിക്രമങ്ങൾ എങ്ങനെ റിപ്പോർട്ട് ചെയ്യാം എന്നു തുടങ്ങി ഒരുപാട് ചോദ്യങ്ങൾ കുട്ടികളിൽ നിന്നുയർന്നു. മാതാപിതാക്കളും അധ്യാപകരും കുട്ടികളും ഒരുപോലെ ബോധവാൻമാരാകുക എന്നതു മാത്രമാണു ബാലാവകാശ ലംഘനങ്ങൾ കുറയ്ക്കുന്നതിനുള്ള മാർഗമെന്ന് ആന്റണി പറഞ്ഞു. ജില്ലാ ശിശു സംരക്ഷണ ഓഫീസർ കെ.ബി. സൈന, ഹയർ സെക്കൻഡറി പ്രിൻസിപ്പൽ കെ.എസ്. ഷീല, സ്കൂൾ ഇൻചാർജ് അമ്മിണി, ജില്ലാ ശിശു സംരക്ഷണ യൂണിറ്റിലെ സോഷ്യൽ വർക്കർ ഷൈനി സ്റ്റീഫൻ എന്നിവർ സംസാരിച്ചു.