അ​ഗ്രോ സ​ർ​വീ​സ് സെ​ന്‍റ​ർ പ്ര​വ​ർ​ത്ത​നം തു​ട​ങ്ങി

കാ​ഞ്ഞ​ങ്ങാ​ട്: കൃ​ഷി​വ​കു​പ്പ് കാ​ഞ്ഞ​ങ്ങാ​ട് മ​ണ്ഡ​ല​ത്തി​ൽ അ​നു​വ​ദി​ച്ച അ​ഗ്രോ സ​ർ​വീ​സ് സെ​ന്‍റ​ർ പ്ര​വ​ർ​ത്ത​നം തു​ട​ങ്ങി. കാ​ർ​ഷി​ക​മേ​ഖ​ല​യി​ൽ സ​മ​ഗ്ര​പു​രോ​ഗ​തി ല​ക്ഷ്യ​മാ​ക്കി ചോ​യ്യ​ങ്കോ​ട് കേ​ന്ദ്രീ​ക​രി​ച്ച് തു​ട​ക്കം കു​റി​ക്കു​ന്ന അ​ഗ്രോ സ​ർ​വീ​സ് സെ​ന്‍റ​ർ പ​ര​പ്പ ബ്ലോ​ക്കി​ലെ എ​ഡി ഓ​ഫീ​സി​ൽ താ​ത്കാ​ലി​ക കെ​ട്ടി​ട​ത്തി​ലാ​ണ് പ്ര​വ​ർ​ത്തി​ക്കു​ന്ന​ത്. സെ​ന്‍റ​റി​ൽ ദി​വ​സ​വേ​ത​നാ​ടി​സ്ഥാ​ന​ത്തി​ൽ 35 തൊ​ഴി​ലാ​ളി​ക​ൾ​ക്കാ​ണ് ജോ​ലി ല​ഭി​ച്ച​ത്. കാ​ലാ​കാ​ല​മാ​യി വ​രു​ന്ന സ​ർ​ക്കാ​രു​ക​ൾ ജി​ല്ല​യി​ലെ മ​ല​യോ​ര കാ​ർ​ഷി​ക മേ​ഖ​ല​യോ​ട് അ​വ​ഗ​ണ​ന കാ​ട്ടു​ന്നു​വെ​ന്ന പ​രാ​തി​ക്ക് പ​രി​ഹാ​രം​കൂ​ടി​യാ​ണ് ഈ ​സെ​ന്‍റ​ർ. ട്രാ​ക്ട​ർ, ടി​ല്ല​ർ, തെ​ങ്ങു​ക​യ​റ​ൽ യ​ന്ത്രം തു​ട​ങ്ങി ക​ർ​ഷ​ക​രെ സ​ഹാ​യി​ക്കു​ന്ന​തി​ന് 22.5 ല​ക്ഷം രൂ​പ​യു​ടെ കാ​ർ​ഷി​ക ഉ​പ​ക​ര​ണ​ങ്ങ​ളും അ​ഗ്രോ സ​ർ​വീ​സ് സെ​ന്‍റ​റി​നാ​യി വാ​ങ്ങി​ക്ക​ഴി​ഞ്ഞു. ഇ​തു​സം​ബ​ന്ധി​ച്ച ഉ​ന്ന​താ​ധി​കാ​ര സ​മി​തി​യോ​ഗം റ​വ​ന്യൂ മ​ന്ത്രി ഇ.​ച​ന്ദ്ര​ശേ​ഖ​ര​ന്‍റെ അ​ധ്യ​ക്ഷ​ത​യി​ൽ കാ​ഞ്ഞ​ങ്ങാ​ട് റ​സ്റ്റ് ഹൗ​സി​ൽ ചേ​ർ​ന്നു.
തെ​ര​ഞ്ഞെ​ടു​ത്ത 35 തൊ​ഴി​ലാ​ളി​ക​ൾ​ക്ക് വി​ദ​ഗ്ധ പ​രി​ശീ​ല​നം ന​ൽ​കി കാ​ർ​ഷി​ക​മേ​ഖ​ല​യു​ടെ പു​രോ​ഗ​തി​ക്കും ക​ർ​ഷ​ക​രു​ടെ സ​ഹാ​യ​ത്തി​നു​മാ​യി ഉ​പ​യോ​ഗ​പ്പെ​ടു​ത്തു​ന്ന​തി​ന് യോ​ഗം തീ​രു​മാ​നി​ച്ചു. റി​ട്ട. കൃ​ഷി ഓ​ഫീ​സ​ർ ദേ​വ​രാ​ജ​നാ​ണ് ഫെ​സി​ലി​റ്റേ​റ്റ​ർ. യോ​ഗ​ത്തി​ൽ മ​ന്ത്രി​യെ കൂ​ടാ​തെ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് പി.​രാ​ജ​ൻ, ബ്ലോ​ക്ക് പ​ഞ്ചാ​യ​ത്ത് മെം​ബ​ർ​മാ​രാ​യ പി. ​വേ​ണു​ഗോ​പാ​ൽ, പി.​ജി.​ദേ​വ്, കോ​ടോം-​ബേ​ളൂ​ർ പ​ഞ്ചാ​യ​ത്ത് പ്ര​സി​ഡ​ന്‍റ് സി.​കു​ഞ്ഞി​ക്ക​ണ്ണ​ൻ, ഈ​സ്റ്റ് എ​ളേ​രി പ​ഞ്ചാ​യ​ത്ത് പ്ര​സി​ഡ​ന്‍റ് ഫി​ലോ​മി​ന ജോ​ണി, ബ​ളാ​ൽ പ​ഞ്ചാ​യ​ത്ത് പ്ര​സി​ഡ​ന്‍റ് എം.​രാ​ധാ​മ​ണി. എ​ഡി​എ സി​ന്ധു, അ​ഗ്രി​ക​ൾ​ച്ച​ർ എ​ൻ​ജി​നി​യ​ർ എ.​ദാ​മോ​ദ​ര​ൻ, പ​ര​പ്പ ബ്ലോ​ക്കി​ലെ കൃ​ഷി ഓ​ഫീ​സ​ർ​മാ​ർ തു​ട​ങ്ങി​യ​വ​ർ പ​ങ്കെ​ടു​ത്തു.